കോട്ടയം: ബാലഗോകുലം കോട്ടയം മേഖല സമിതിയുടെ ആഭിമുഖ്യത്തില്‍ കര്‍ക്കടകം1 മുതല്‍ 31 വരെ ലവകുശ മാര്‍ഗേ രാമായണ ആഘോഷ പരിപാടി സംഘടിപ്പിക്കും. ജില്ലയിലെ 400 കേന്ദ്രങ്ങളിലായി പതിനായിരം ഭവനങ്ങള്‍ സമ്പര്‍ക്കം ചെയ്യും. ഇതോടനുബന്ധിച്ച് കുട്ടികള്‍ സംഘടിപ്പിക്കുന്ന ഭജന, രാമായണ പാരായണം, രാമായണ പ്രശ്‌നോത്തരി, വിവിധ ആഘോഷ പരിപാടികള്‍ നടക്കും.
തിരുനക്കര ശ്രീരാമ ഹനുമത് ദേവസ്ഥാനത്തില്‍ വച്ച് സ്വാമിയാര്‍ മഠം ട്രസ്റ്റ് പ്രസിഡന്റ് സി.പി. മധുസൂദനന്‍ ജില്ലാ തല പരിപാടി ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി കെ.എന്‍. സജികുമാര്‍ മുഖ്യപ്രഭാഷണം നടത്തി. വിശിഷ്ട വ്യക്തികളെ ഡോ.എന്‍. ഉണ്ണികൃഷ്ണന്‍ ആദരിച്ചു. മാധ്യമ പ്രവര്‍ത്തക വിനീത വേണാട്ട്, സംസ്ഥാന കമ്മിറ്റി അംഗം പി.സി. ഗിരീഷ് കുമാര്‍, മേഖല സെക്രട്ടറി ബി.അജിത് കുമാര്‍, മേഖലാ സംഘടന സെക്രട്ടറി സനല്‍ കുമാര്‍, ജില്ലാ സെക്രട്ടറി മനുകൃഷ്ണ എന്നിവര്‍ സംസാരിച്ചു. മേഖല അധ്യക്ഷന്‍ വി.എസ്. മധുസൂദനന്‍ അധ്യക്ഷനായി.
പ്രതികരിക്കാൻ ഇവിടെ എഴുതുക: