മാനന്തവാടി: വയനാട്ടില്‍ എച്ച് വണ്‍ എന്‍ വണ്‍ പനി ബാധിച്ച് വീട്ടമ്മ മരിച്ചു. തലപ്പുഴ ഇടിക്കര നല്ലകണ്ടി അബ്ദുല്‍ അസീസിന്റെ ഭാര്യ ആയിഷ (48) ആണ് മരിച്ചത്. ജില്ലയില്‍ ഈ വര്‍ഷത്തെ ആദ്യ എച്ച് വണ്‍ എന്‍ വണ്‍ മരണമാണിത്.
കണ്ണൂരില്‍ താമസിച്ചു വന്നിരുന്ന ആയിഷ ഒന്നര മാസം മുമ്പാണ് മകളോടൊപ്പം തലപ്പുഴ കാപ്പിക്കളത്തെ വാടക വീട്ടിലേക്ക് വന്നത്. ഒരു മാസം മുമ്പാണ് ആയിഷക്ക് പനിയുടെ ലക്ഷണങ്ങള്‍ ഉണ്ടായത്. തുടര്‍ന്ന് നടന്ന പരിശോധനയില്‍ എച്ച് വണ്‍ എന്‍ വണ്‍ പനി ആണെന്ന് സ്ഥിരീകരിച്ചിരുന്നു. പിന്നീട് വിവിധ ആശുപത്രികളില്‍ ചികിത്സതേടിയിരുന്നു. കഴിഞ്ഞ ആഴ്‌ച്ച പനി രൂക്ഷമായതോടെ ആദ്യം മാനന്തവാടി മെഡിക്കല്‍ കോളജിലും പിന്നീട് മപ്പാടി വിംസ് മെഡിക്കല്‍ കോളജിലും ചികിത്സ തേടിയിരുന്നു. മക്കള്‍: ഫസീല, അസ്ലം.
പ്രതികരിക്കാൻ ഇവിടെ എഴുതുക: