നാസ: ജെഡബ്ല്യുഎസ്ടി അഡ്വാന്സ്ഡ് ഡീപ് എക്സ്ട്രാഗാലക്റ്റിക് സര്വേയുടെ (ജെഎഡിഇഎസ്) ഭാഗമായി പകര്ത്തിയ 45,000ലധികം ഗാലക്സികളുടെ ചിത്രം നാസ പുറത്തുവിട്ടു. ചിത്രം ഇതിനോടകം തന്നെ പലരെയും ഞെട്ടിച്ചിരിക്കുകയാണ്. നാസയുടെ ജെയിംസ് വെബ് ബഹിരാകാശ ദൂരദര്ശിനി ജ്യോതിശാസ്ത്രത്തിലെ വിവിധ അടിസ്ഥാന ചോദ്യങ്ങളില് ഉള്ക്കാഴ്ച നേടാന് ഗവേഷകരെയും ശാസ്ത്രജ്ഞരെയും സഹായിച്ചിട്ടുണ്ട്.
വെബ്ബിന്റെ ഏറ്റവും വലിയ ഫസ്റ്റ് ഇയര് സയന്സ് പ്രോഗ്രാമുകളിലൊന്നായ ജെഡബ്ല്യുഎസ്ടി അഡ്വാന്സ്ഡ് ഡീപ് എക്സ്ട്രാഗാലക്റ്റിക് സര്വേയുടെ (ജെഎഡിഇഎസ്) ഭാഗമായാണ് ചിത്രം എടുത്തത്. ജെയിംസ് വെബ് ഇതിനോടകം തന്നെ നിരവധി യുവ നക്ഷത്രങ്ങളെ കണ്ടെത്തിയിട്ടുണ്ട്. ഏതാനും ദശലക്ഷം വര്ഷങ്ങള് മാത്രം പഴക്കമുള്ള നക്ഷത്രവീഥികളും (ഗാലക്സി) കണ്ടുപിടിച്ച് അതില് പഠനം നടത്താനും നാസയ്ക്ക് കഴിഞ്ഞു.
നാസയുടെ ജെയിംസ് വെബ് ബഹിരാകാശ ദൂരദര്ശിനിയുടെ ഫെയ്സ്ബുക്ക് പേജിലുടെയാണ് ചിത്രം പങ്കുവെച്ചത്. വിദൂര ഗാലക്സികളില് നിന്നുള്ള പ്രകാശം പ്രപഞ്ചത്തിന്റെ വികാസം കാരണം കാലക്രമേണ നീളമുള്ള തരംഗദൈര്ഘ്യങ്ങളിലേക്കും ചുവപ്പ് നിറങ്ങളിലേക്കും വ്യാപിക്കുന്നു, ഇത് റെഡ് ഷിഫ്റ്റ് എന്ന് വിളിക്കപ്പെടുന്ന ഒരു പ്രതിഭാസമാണ്.
ജ്യോതിശാസ്ത്രജ്ഞര് ഒരു ഗാലക്സിയുടെ റെഡ് ഷിഫ്റ്റ് അളക്കുന്നതിലൂടെ അതിന്റെ ഉത്ഭവം അറിയാനും അത് എത്ര അകലെയാണ് സ്ഥിതി ചെയ്യുന്നത് എന്ന് മനസ്സിലാക്കാനും സാധിക്കുമെന്നും അവര് ചിത്രം പങ്കുവച്ച് ഫേസ്ബുക്കില് കുറിച്ചു.ഏതാനും മണിക്കൂറുകള്ക്ക് മുമ്പ് പോസ്റ്റ് ചെയ്ത ഈ ചിത്രത്തിന് ഇതിനോടകം തന്നെ മികച്ച പിന്തുണയാണ് ലഭിച്ചത്. 8,000ത്തിലേറെ ലൈക്കും രണ്ടായിരത്തിലേറെ ഷെയറുമാണ് പോസ്റ്റിന് ഇതുവരെ ലഭിച്ചത്.
പ്രതികരിക്കാൻ ഇവിടെ എഴുതുക: