കാസര്‍ഗോഡ്: യുവതിയോട് അശ്ലീലച്ചുവയില്‍ സംസാരിച്ചതിന് നടനും മുന്‍ ഡിവൈഎസ്പിയുമായ മധുസൂദനനെതിരെ ബേക്കല്‍ പോലീസ് കേസെടുത്തു. ഇയാള്‍ക്കൊപ്പം ആല്‍ബത്തില്‍ അഭിനയിക്കാനെത്തിയ കൊല്ലം സ്വദേശിയായ യുവതിയാണ് ബേക്കല്‍ പോലീസില്‍ പരാതി നല്‍കിയത്. അഭിനയിക്കാനായി കാസര്‍കോട് എത്തിയ യുവതിയോട് പെരിയയിലെ ഹോം സ്‌റ്റേയില്‍ വെച്ചാണ് ഇയാള്‍ അപമര്യാദയായി സംസാരിച്ചത്. ഇയാള്‍ക്കെതിരെ യുവതി ബേക്കല്‍ ഡിവൈഎസ്പിക്കാണ് പരാതി നല്‍കിയത്. ശനിയാഴ്ചയായിരുന്നു സംഭവം.
ഹോം സ്‌റ്റേയിലെ മുറിയില്‍വെച്ച് ഇയാള്‍ യുവതിയെ മദ്യം കഴിക്കാന്‍ നിര്‍ബന്ധിച്ചെന്നും അശ്ലീലച്ചുവയോടെ സംസാരിച്ചെന്നുമാണ് യുവതി പരാതിയില്‍ പറയുന്നത്. സിനിമാ അഭിനേതാവും പൊലീസ് ഓഫീസേഴ്‌സ് അസോസിയേഷന്റെ മുന്‍ പ്രസിഡന്റുമായിരുന്ന മധുസൂദനന്‍ നിലവില്‍ ഹൊസ്ദുര്‍ഗ് ബാറില്‍ അഭിഭാഷകനാണ്. ദിലീഷ് പോത്തന്‍ സംവിധാനം ചെയ്ത തൊണ്ടിമുതലും ദൃക്‌സാക്ഷിയും എന്ന ചിത്രത്തിലൂടെയാണ് മധുസൂദനന്‍ അഭിനയരംഗത്ത് എത്തിയത്. ചുരുങ്ങിയ സമയത്തിനുള്ളില്‍ നിരവധി വേഷങ്ങളില്‍ ഇയാള്‍ അഭിനയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: