കൊച്ചി : മാധ്യമ പ്രവര്‍ത്തകന്‍ കെ.എം.ബഷീറിനെ വാഹനമിടിച്ച് കൊലപ്പെടുത്തിയ കേസില്‍ ശ്രീറാം വെങ്കിട്ടരാമനെതിരായ നരഹത്യാ കുറ്റം നിലനില്‍ക്കുമെന്ന് ഹൈക്കോടതി. സംസ്ഥാന സര്‍ക്കാര്‍ നല്‍കിയ അപ്പീലിലാണ് ഉത്തരവ്. കേസില്‍ ശ്രീറാം വെങ്കിട്ടരാമന് തെളിവുകള്‍ നശിപ്പിക്കാന്‍ ശ്രമിച്ചെന്നും സെഷന്‍സ് കോടതിയുടെ ഉത്തരവ് ഭാഗികമായി റദ്ദാക്കിക്കൊണ്ട് ഹൈക്കോടതി അറിയിച്ചു.
അതേസമയം രണ്ടാം പ്രതി വഫയെ കേസില്‍ നിന്നും ഒഴിവാക്കി. ഇവര്‍ക്കെതിരെ പ്രേരണാകുറ്റമായിരുന്നു ചുമത്തിയിരുന്നത്. മദ്യപിച്ചശേഷം അമിത വേഗതയിലാണ് ശ്രീറാം വെങ്കിട്ടരാമന് വാഹനം ഓടിച്ചിരുന്നത്. അതിനാല്‍ നരഹത്യാകുറ്റം നിലിനില്‍ക്കുമെന്നും ഹൈക്കോടതി അറിയിച്ചു. ശ്രീറാം വെങ്കിട്ടരാമനെതിരായ നരഹത്യ കുറ്റം ഒഴിവാക്കിയ സെഷന്‍സ് കോടതി നടപടിക്കെതിരെയാണ് സംസ്ഥാന സര്‍ക്കാര്‍ ഹൈക്കോടതിയെ സമീപിച്ചത്.
പ്രതികരിക്കാൻ ഇവിടെ എഴുതുക: