കൊച്ചി : കൊച്ചിയില്‍ പട്ടാപ്പകല്‍ യുവതിയുടെ കഴുത്തറുത്തു. രവിപുരത്തെ റെയില്‍സ് ട്രാവല്‍സ് ബ്യൂറോ എന്ന സ്ഥാപനത്തിലെ ജീവനക്കാരിയായ സുര്യയ്‌ക്ക് നേരെയാണ് ആക്രമണമുണ്ടായത്. സംഭവത്തില്‍ ജോളി ജെയിംസ് എന്നയാള്‍ സൗത്ത് പോലീസിന്റെ പിടിയിലായി.
ഉച്ചയോടെയാണ് സംഭവം പള്ളുരുത്തി സ്വദേശിയായ ജോളി വിസയുമായി ബന്ധപ്പെട്ട തര്‍ക്കത്തിന് പിന്നാലെ അക്രമാസക്തനായി യുവതിയെ ആക്രമിക്കുകയായിരുന്നു. പരിഭ്രാന്തയായ യുവതി അടുത്തുള്ള ഹോട്ടലിലേക്ക് ഓടിക്കയറി. ഉടന്‍ തന്നെ പോലീസെത്തി ജോളിയെ പിടികൂടുകയായിരുന്നു.
ഗുരുതരമായി പരിക്കേറ്റ യുവതിയെ ഐസിയുവില്‍ തുടരുകയാണ്. തൊടുപുഴ സ്വദേശിനിയാണ് യുവതി. ജോബ് വിസയ്‌ക്കായി ജോളി ഒരു ലക്ഷം രൂപ ട്രാവല്‍സില്‍ നല്‍കിയിരുന്നു. ഇതുമായി ബന്ധപ്പെട്ട തര്‍ക്കമാണ് അക്രമത്തിലേക്ക് നയിച്ചത്. വാക്കുതര്‍ക്കത്തിനിടെ ഇയാള്‍ സൂര്യയെ കൈയ്യിലുണ്ടായിരുന്ന ആയുധം ഉപയോഗിച്ച് ആക്രമിക്കുകയായിരുന്നു.
പ്രതികരിക്കാൻ ഇവിടെ എഴുതുക: