മുംബൈ: ഈ വര്‍ഷം ഏറെ പ്രതീക്ഷയോടെ ബോളിവുഡ് കാത്തിരുന്ന ചിത്രമായിരുന്നു ദൃശ്യം 2ന്റെ ഹിന്ദി പതിപ്പ്. അജയ് ദേവ്ഗണും തബുവുമാണ് പ്രധാനവേഷങ്ങളില്‍ പ്രത്യക്ഷപ്പെടുന്നത്. ഈ ചിത്രം വെള്ളിയാഴ്ചയാണ് തിയറ്ററുകളില്‍ റിലീസായത്.
ചിത്രം തിയറ്ററിലെത്തി മണിക്കൂറുകള്‍ക്കുള്ളില്‍ ദൃശ്യം രണ്ടിന്റെ വ്യാജകോപ്പി നിരവധി വെബ്സൈറ്റുകളില്‍ എത്തി. നല്ല തെളിച്ചമുള്ള എച്ച് ഡി പതിപ്പ് തന്നെയാണ് ടോറന്‍റ് സൈറ്റുകളില്‍ ലഭ്യമായതെന്ന് പറയുന്നു.
ഇത് കോടികള്‍ മുടക്കി നിര്‍മ്മിച്ച ദൃശ്യം രണ്ടിന്റെ ബോക്സോഫീസ് കളക്ഷനെ ബാധിക്കുമെന്ന് അറിയുന്നു. മോഹന്‍ലാലിന്റെ വേഷം അജയ് ദേവഗണാണ് ചെയ്യുന്നത്. മീനയ്‌ക്ക് പകരം ശ്രിയ ശരണാണ്. ആശ ശരത്ത് അനശ്വരമാക്കിയ പൊലീസ് ഓഫീസറുടെ വേഷത്തില്‍ തബു എത്തുന്നു. ആദ്യ റിലീസിന് ശേഷം മികച്ച അഭിപ്രായങ്ങളാണ് ചിത്രത്തെക്കുറിച്ച് പുറത്തുവരുന്നത്. അതിനിടെയാണ് പൈറസി വാര്‍ത്ത ആശങ്കയായി പുറത്തുവന്നത്.
ബ്രഹ്മാസ്ത്ര, 83, പുഷ്പ, ഏതാനും ഹോളിവുഡ് ചിത്രങ്ങള്‍ എന്നിവ റിലീസ് ദിവസം തന്നെ ചോര്‍ന്നത് വാര്‍ത്തായായിരുന്നു.
പ്രതികരിക്കാൻ ഇവിടെ എഴുതുക: