പത്തനംതിട്ട: കാട്ടൂര്‍പേട്ടയില്‍ 15കാരിയെ പീഡിപ്പിച്ചതിന്റെ പേരില്‍ അറസ്റ്റിലായ പോക്സോ കേസ് പ്രതിയെ വീട്ടുകാര്‍ മോചിപ്പിച്ചു. പ്രതി സിറാജിനെ പോലീസ് എത്തിയ സ്വകാര്യ വാഹനം തടഞ്ഞ ശേഷമാണ് ബന്ധുക്കള്‍ മോചിപ്പിച്ചത്.
ഒക്ടോബര്‍ 23നായിരുന്നു പോക്സോ കേസ് പ്രതി സിറാജിനെ ബന്ധുക്കള്‍ ബലം പ്രയോഗിച്ച് മോചിപ്പിച്ചത്. ഇതിന്റെ വീഡിയോകളും പുറത്തായതോടെ പൊലീസ് പ്രതിരോധത്തിലായി. പൊലീസ് എത്തിയ സ്വകാര്യവാഹനം തടഞ്ഞ് പ്രതിയെ മോചിപ്പിച്ചതിന് ബന്ധുക്കളായ 10 പേര്‍ക്കെതിരെ കേസെടുത്തിരിക്കുകയാണ്.
രണ്ടാം ഭാര്യയുടെ മകളായ 15കാരിയെയാണ് സിറാജ് പീഡിപ്പിച്ചത്. പരാതിയെത്തുടര്‍ന്ന് കൊല്ലം കുന്നിക്കോട് എസ് ഐയുടെ നേതൃത്വത്തിലുള്ള സംഘമാണ് സിറാജിനെ പിടികൂടാന്‍ എത്തിയത്.
ഇതോടെ കാട്ടൂര്‍പേട്ടയിലേക്ക് സിറാജ് മാറി. പൊലീസ് വേഷത്തിലല്ല, സാധാരണവേഷത്തിലായിരുന്നു പൊലീസ് കാട്ടൂര്‍പേട്ടയിലെക്ക് സിറാജിനെ പിടികൂടാന്‍ എത്തിയത്. പൊലീസില്‍ നിന്നും സിറാജിനെ ബന്ധുക്കളായ പുരുഷന്മാരും സ്ത്രീകളും കുട്ടികളുമടങ്ങുന്ന സംഘം മോചിപ്പിക്കുകയായിരുന്നു. പൊലീസുകാരെ തടഞ്ഞുവെച്ച് പ്രതി സിറാജിനെ മോചിപ്പിച്ചതിന് ബന്ധുക്കള്‍ ഉള്‍പ്പെടെ 10 പേര്‍ക്കെതിരെ കേസെടുത്തു. പ്രതി ഇപ്പോള്‍ ഒളിവിലാണ്. കേസിലെ പ്രതിയാണെന്ന് അറിയാത്തതുകൊണ്ടാണ് മോചിപ്പിച്ചതെന്ന് ബന്ധുക്കള്‍ വിശദീകരിക്കുന്നു.
പ്രതികരിക്കാൻ ഇവിടെ എഴുതുക: