തിരുവനന്തപുരം: കേരള തലസ്ഥാനത്ത് പുതുതായി പണികഴിപ്പിച്ച സര്‍ക്കാര്‍ ഉദ്യോഗസ്ഥര്‍ക്കായുള്ള പാര്‍പ്പിട സമുച്ചയം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
നാളെ നേതാജി നഗറില്‍ (ലോ കോളേജ് ജംഗ്ഷന്‍) നടക്കുന്ന ചടങ്ങില്‍ പൊതുമരാമത്ത് മന്ത്രി പി.എ. മുഹമ്മദ് റിയാസ് അധ്യക്ഷനാകും. മന്ത്രിമാരായ വി. ശിവന്‍കുട്ടി, ജി.ആര്‍. അനില്‍, ആന്റണി രാജു, മേയര്‍ ആര്യ രാജേന്ദ്രന്‍, എം. പി മാരായ ശശി തരൂര്‍, എ.എ. റഹീം, വി.കെ. പ്രശാന്ത് എംഎല്‍എ എന്നിവര്‍ ചടങ്ങില്‍ പങ്കെടുക്കും
18 അപ്പാര്‍ട്‌മെന്റുകളുള്ള മൂന്ന് പാര്‍പ്പിട സമുച്ചയങ്ങളാണ് നേതാജി നഗറില്‍ സജ്ജമാക്കിയിരിക്കുന്നത്. രണ്ട് കിടപ്പു മുറികള്‍, ഡ്രോയിംഗ് റൂം, അടുക്കള, വരാന്ത എന്നിവ ഉള്‍പ്പെടുന്നതാണ് ഒരു അപ്പാര്‍ട്ടമെന്റ്. 7.85 കോടി രൂപയുടെ ഭരണാനുമതി ലഭിച്ച പദ്ധതിയാണ് ഇത്. പൊതുമരാമത്ത് ബില്‍ഡിംഗ്‌സ് വിഭാഗത്തിനായിരുന്നു പാര്‍പ്പിട സമുച്ചയത്തിന്റെ നിര്‍മ്മാണ ചുമതല.
പ്രതികരിക്കാൻ ഇവിടെ എഴുതുക: