വിഴിഞ്ഞം: ഹാര്‍ബര്‍ റോഡില്‍ പുല്ലൂര്‍ക്കോണം ശ്രീകൃഷ്ണസ്വാമി ക്ഷേത്രത്തിനു നേരേ അക്രമം. ക്ഷേത്രത്തിന്റെ ശ്രീകോവിലിലേക്ക് കുപ്പികളില്‍ മണ്ണെണ്ണയും മദ്യവും നിറച്ച് എറിഞ്ഞയാളെ വിഴിഞ്ഞം പോലീസ് അറസ്റ്റുചെയ്തു. പുല്ലൂര്‍ക്കോണം സ്വദേശി സലാഹുദീനെ(33) ആണ് അറസ്റ്റുചെയ്തത്. ക്ഷേത്രത്തിനു സമീപം താമസിക്കുന്ന ഇയാള്‍ ബുധനാഴ്ച പുലര്‍ച്ചെയോടെയാണ് നാലു കുപ്പികള്‍ വലിച്ചെറിഞ്ഞത്.
മൂന്നെണ്ണം ക്ഷേത്രവളപ്പില്‍ പൊട്ടിച്ചിതറിയ നിലയിലും മറ്റൊരെണ്ണം പൊട്ടാതെയുമായിരുന്നുവെന്ന് പോലീസ് പറഞ്ഞു. ക്ഷേത്രത്തില്‍ വിളക്ക് കത്തിക്കാന്‍ എത്തിയവരാണ് ശ്രീകോവിലിന് മുന്നില്‍ കുപ്പികള്‍ പൊട്ടിച്ചിതറിക്കിടക്കുന്നത് കണ്ടത്. സംഭവത്തെ തുടര്‍ന്ന് ക്ഷേത്രഭാരവാഹികള്‍ സി.സി.ടി.വി. ദൃശ്യങ്ങള്‍ പരിശോധിച്ച് വിഴിഞ്ഞം പോലീസിന് കൈമാറുകയായിരുന്നു.
പ്രതികരിക്കാൻ ഇവിടെ എഴുതുക: