കണ്ണൂര്‍ : മട്ടന്നൂരില്‍ ആര്‍എസ്എസ് കാര്യാലയത്തിന് നേരേയും പോപ്പുലര്‍ ഫ്രണ്ടിന്റെ ബോംബേറ്. ഇല്ലംമൂലയിലുള്ള ആര്‍എസ്എസ് കാര്യാലയത്തിന് നേരെ ഇന്ന് രാവിലെയാണ് ആക്രമണം ഉണ്ടായത്. സംഭവത്തില്‍ പോലീസ് അന്വേഷണം ആരംഭിച്ചു.
കാര്യാലയത്തിനു നേരെ പെട്രോള്‍ ബോംബ് ആക്രമണമാണ് ഉണ്ടായിരിക്കുന്നത്. ആക്രമണത്തില്‍ ഓഫീസിന്റെ ജനല്‍ ചില്ലുകള്‍ തകര്‍ന്നിട്ടുണ്ട്. ഓഫീസിനുള്ളിലും കേടുപാടുകള്‍ സംഭവിച്ചിട്ടുണ്ട്. കാര്യാലയത്തില്‍ പോലീസ് എത്തി പരിശോധന നടത്തി. ഹര്‍ത്താലിന്റെ ഭാഗമായി ഇന്ന് ഏറ്റവും കൂടുതല്‍ സംഘര്‍ഷമുണ്ടായത് മട്ടന്നൂര്‍ മേഖലയിലാണ്.
കണ്ണൂര്‍ ഉളിയില്‍ ആയുര്‍വേദ ആശുപത്രിക്ക് സമീപം ബൈക്കിനു നേരെയും പെട്രോള്‍ ബോംബ് എറിഞ്ഞു. കല്യാശേരിയില്‍ ബോംബുമായി ഒരാളെ പൊലീസ് കസ്റ്റഡിയിലെടുത്തു. ഹര്‍ത്താലിന്റെ മറവില്‍ സംസ്ഥാന വ്യാപകമായി വന്‍ അക്രമ സംഭവങ്ങളാണ് അരങ്ങേറുന്നത്. സംസ്ഥാനത്തെ 51 ഓളം കെഎസ്ആര്‍ടിസി ബസുകള്‍ക്ക് നേരെയാണ് ആക്രമണമുണ്ടായത്യ 21 ലക്ഷം രൂപയുടെ നാശനഷ്ടമുണ്ടായെന്നാണ് പ്രഥമിക വിലയിരുത്തല്‍.
പ്രതികരിക്കാൻ ഇവിടെ എഴുതുക: