അടൂര്‍ : വീട്ടില്‍ കയറി യുവതിയുടെ കൈപ്പത്തി വെട്ടിമാറ്റിയ സംഭവത്തില്‍ ഭര്‍ത്താവ് സന്തോഷ് പിടിയില്‍. പത്തനംതിട്ട കലഞ്ഞൂരില്‍ വിദ്യയുടെ കൈപ്പത്തിയാണ് ഇയാള്‍ വെട്ടിമാറ്റിയത്. കുറച്ചു നാളുകളായി ഇരുവരും വേര്‍പിരിഞ്ഞു കഴിയുകയാണ്.
ശനിയാഴ്ച രാത്രിയോടെ ഇയാള്‍ വിദ്യയുടെ വീട്ടില്‍ എത്തുകയും വടിവാള്‍ കൊണ്ട് വെട്ടിപരിക്കേല്‍പ്പിക്കുകയുമായിരുന്നു. വിദ്യയുടെ രണ്ട് കൈയ്‌ക്കും വെട്ടേറ്റു, ഒരു കൈപ്പത്തി അറ്റുപോയി. സന്തോഷിനെ തടയുന്നതിന്റെ ഇടയില്‍ വിദ്യയുടെ അച്ഛന്‍ വിജയനും പരിക്കേറ്റിട്ടുണ്ട്. ആക്രമണത്തിന് ശേഷം ഒളിവില്‍ പോയ സന്തോഷിനെ അടൂരില്‍ നിന്നാ് പോലീസ് പിടികൂടിയത്.
ഇരുവരെയും തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയ്‌ക്കായി പ്രവേശിപ്പിച്ചിരിക്കുകയാണ്. ഇരുവരുടേയും വിവാഹ മോചന കേസ് കോടതിയുടെ പരിഗണനയില്‍ ഇരിക്കവേയാണ് ഈ ആക്രമണം. സംഭവത്തില്‍ സന്തോഷിനെതിരെ വധശ്രമം അടക്കമുള്ള കുറ്റങ്ങള്‍ ചുമത്തി കൂടല്‍ പോലീസ് അന്വേഷണം തുടങ്ങി.
പ്രതികരിക്കാൻ ഇവിടെ എഴുതുക: