കൊല്ലം:പ്രസവത്തെത്തുടര്‍ന്ന് യുവതി മരിച്ചതില്‍ വ്യാപക പ്രതിഷേധം.ചികിത്സാപിഴവാണ് മരണത്തിന് കാരണമെന്ന് ആരോപിക്കുന്നു.അഷ്ടമുടി സഹകരണ ആശുപത്രിയിലാണ് സംഭവം നടന്നത്.മൈലക്കാട് സ്വദേശി വിപിന്റെ ഭാര്യ ഹര്‍ഷയാണ് തിങ്കളാഴ്‌ച്ച പ്രസവത്തെത്തുടര്‍ന്ന് മരിച്ചത്.പ്രസവത്തിന് മുന്‍പ് ഹര്‍ഷയുടെ ആരോഗ്യസ്ഥിതി മോശമായി. ഉടന്‍ ശസ്ത്രക്രിയ നടത്തി കുഞ്ഞിനെ പുറത്തെടുത്തു.ആരോഗ്യ സ്ഥിതി കൂടുതല്‍ മോഷമായതോടെ കൊല്ലത്തെ സ്വകാര്യ ആശുപത്രിയിലേക്ക് മാറ്റുന്നതിനിടെയാണ് മരണം സംഭവിച്ചത്.
എന്നാല്‍ ഹര്‍ഷയുടെ ആരോഗ്യസ്ഥിതി മോശമാണെന്ന് ആശുപത്രി അധികൃതര്‍ ബന്ധുക്കളെ അറിയിച്ചിരുന്നില്ല എന്ന് ആക്ഷേപമുണ്ട്.ഹര്‍ഷയുടെ കുഞ്ഞ് സ്വകാര്യ ആശുപത്രിയില്‍ ചികിത്സയിലാണ്.ഹര്‍ഷ മരിച്ചതോടെ ബന്ധുക്കളും, കോണ്‍ഗ്രസ് പ്രവര്‍ത്തകരും ആശുപത്രിയിലേക്ക് പ്രതിഷേധമാര്‍ച്ച് നടത്തി.ഹൃദയാഘാതമാണ് മരണകാരണമെന്നാണ് ആശുപത്രി അധികൃതരുടെ വിശദീകരണം.
പ്രതികരിക്കാൻ ഇവിടെ എഴുതുക: