കൊച്ചി: നടുറോഡില്‍ യുവാവ് കഴുത്ത് മുറിച്ച് ആത്മഹത്യ ചെയ്തു. കൊച്ചി കലൂര്‍ ദേശാഭിമാനി ജങ്ഷനിലാണ് നാടിനെ നടുക്കിയ സംഭവം ഉണ്ടായത്. യുവാവ് സ്വയം കത്തികൊണ്ട് പരിക്കേല്‍പ്പിച്ച് ആത്മഹത്യ ചെയ്യുകയായിരുന്നു. കഴുത്തിലും കൈയിലും സ്വയം കുത്തി പരിക്കേല്‍പ്പിക്കുകയായിരുന്നു. ഇതിന്റെ ദൃശ്യം പുറത്തുവന്നിട്ടുണ്ട്. ഇന്ന് വൈകിട്ടോടെയാണ് സംഭവം ഉണ്ടായത്. പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. സംഭവത്തില്‍ അന്വേഷണം ആരംഭിച്ചതായും പോലീസ് അറിയിച്ചു.
വൈകിട്ട് 5.15ഓടെയാണ് കലൂരില്‍ നാടിനെ ഞെട്ടിച്ച സംഭവം. ദേശാഭിമാനി ജംഗ്ഷന് സമീപത്തെ ഒരു കടയ്‌ക്ക് മുന്നില്‍ വച്ചാണ് യുവാവ് ആത്മഹത്യ ചെയ്തത്. സംഭവത്തിന്റെ സിസിടിവി ദൃശ്യങ്ങളില്‍ യുവാവ് റോഡിലേക്ക് എത്തുന്നതും. ആത്മഹത്യ ചെയ്യുന്നതും വ്യക്തമാണ്.
ആദ്യം ഫുട്പാത്തില്‍ ഇരുന്ന് കൈയുടെ ഞരമ്പ് മുറിക്കാന്‍ യുവാവ് ശ്രമിക്കുന്നതായി ദൃശ്യങ്ങളിലുണ്ട്. പിന്നീട് കഴുത്ത് മുറിക്കാന്‍ ശ്രമിക്കുന്നതായും കാണാം. അതിനുശേഷമാണ് റോഡിലേക്ക് ഇറങ്ങി കഴുത്തില്‍ കുത്തി മുറിവേല്‍പ്പിച്ചത്. ഇതോടെ കുഴഞ്ഞുവീണ യുവാവിനെ സമീപത്തുണ്ടായിരുന്നവര്‍ ആശുപത്രിയിലേക്ക് എത്തിച്ചു. എന്നാല്‍ ജീവന്‍ രക്ഷിക്കാന്‍ സാധിച്ചില്ല. മൃതദേഹം എറണാകുളം ജനറല്‍ ആശുപത്രി മോര്‍ച്ചറിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: