കൊച്ചി : നടിയെ അക്രമിച്ച കേസിലെ മെമ്മറി കാര്‍ഡിന്റെ ഹാഷ് വാല്യു മാറിയെന്ന് പറയുന്നതെങ്ങനെയെന്ന് ക്രൈംബ്രാഞ്ചിനോട് ഹൈക്കോടതി. കേസില്‍ കൂടുതല്‍ വിശദാംശങ്ങള്‍ക്കായി മെമ്മറി കാര്‍ഡ് പരിശോധിക്കണമെന്നാവശ്യപ്പെട്ടുള്ള ക്രൈംബ്രാഞ്ച് ഹര്‍ജിയിലാണ് ഹൈക്കോടതി ഈ ചോദ്യം ഉന്നയിച്ചത്.
കേസിലെ നിര്‍ണ്ണായക തെളിവായ മെമ്മറി കാര്‍ഡ് ഫോറന്‍സിക് പരിശോധനയ്‌ക്ക് അയയ്‌ക്കണമെന്ന നിലപാട് പ്രോസിക്യൂഷന്‍ ആവര്‍ത്തിച്ചതോടെയാണ് ഹൈക്കോടതി ഹാഷ്‌വാല്യൂ സംബന്ധിച്ച് ചോദ്യം ഉന്നയിച്ചത്. വിഷയത്തില്‍ കോടതിയും അന്വേഷണ ഉദ്യോഗസ്ഥരും വിദഗ്ധരല്ല. ഇക്കാര്യം വിദഗ്ധര്‍ക്ക് മാത്രമേ ഇത് മനസിലാക്കാന്‍ കഴിയുവെന്നും ഹൈക്കോടതി പറഞ്ഞു.
മിറര്‍ ഇമേജുകള്‍ താരതമ്യം ചെയ്താല്‍ തന്നെ ഹാഷ് വാല്യൂവില്‍ മാറ്റം വന്നിട്ടുണ്ടോ എന്ന് അറിയാന്‍ പറ്റും. മെമ്മറി കാര്‍ഡ് ഫോറന്‍സിക് പരിശോധനയ്‌ക്ക് അയയ്‌ക്കേണ്ട ആവശ്യമില്ലെന്നും ദിലീപ് കഴിഞ്ഞ ദിവസം പറഞ്ഞിരുന്നു. കേസ് വെള്ളിയാഴ്‌ച്ച വീണ്ടും പരിഗണിക്കും.
പ്രതികരിക്കാൻ ഇവിടെ എഴുതുക: