മല്ലികാര്‍ജ്ജുന ക്ഷേത്രത്തോടനുബന്ധിച്ചുള്ള നാഗരകട്ട വിഗ്രഹത്തില്‍ ഭക്ഷണ അവശിഷ്ടങ്ങള്‍ എറിഞ്ഞ് അശുദ്ധമാക്കി; പ്രതിഷേധവുമായി ഭക്തജനങ്ങള്‍

കാസര്‍കോട്: കാസര്‍കോട് മല്ലികാര്‍ജ്ജുന ക്ഷേത്രത്തോടനുബന്ധിച്ചു എസ്‌വിടി ക്രോസ് റോഡിലെ നാഗരക്കട്ടയില്‍ പ്രതിഷ്ഠിച്ചിരുന്ന നാഗര വിഗ്രഹം സാമൂഹ്യ വിരുദ്ധര്‍ അശുദ്ധമാക്കിയ നിലയില്‍ കാണപ്പെട്ടു. പ്രതിഷ്ഠിച്ചിരുന്ന വിഗ്രഹം ഇളക്കി തല തിരിച്ചു വച്ചു. വിഗ്രഹത്തിനു ചുറ്റും പുകയില ഉല്‍പ്പന്നങ്ങളും ഭക്ഷണ സാധനങ്ങളുടെ അവശിഷ്ടങ്ങളും വാരിവിതറുകയും ചെയ്തു. കഴിഞ്ഞ ദിവസം അര്‍ദ്ധരാത്രിയോടെയാണ് സംഭവമെന്നു കരുതുന്നു. രാവിലെ വിവരമറിഞ്ഞ് നിരവധി ഭക്തജനങ്ങള്‍ തടിച്ചു കൂടി. പോലീസ് എത്തി അന്വേഷണം നടത്തി. പരിസരത്തെ സിസിടിവികളും പോലീസ് പരിശോധിച്ചു.