മുംബൈ: മഹാരാഷ്‌ട്രയില്‍ മദ്യപിച്ച് വാഹനമോടിച്ച് ഫഌറ്റ് സമുച്ചയത്തിന്റെ ഗേറ്റിടിച്ച് തകര്‍ത്ത കേസില്‍ മുന്‍ ഇന്ത്യന്‍ ക്രിക്കറ്റ് താരം വിനോദ് കാംബ്ലി അറസ്റ്റില്‍. മദ്യപിച്ച് കാറോടിച്ച കാംബ്ലി മുംബൈ ബാന്ദ്രയിലെ പാര്‍പ്പിട സമുച്ചയത്തിന്റെ ഗേറ്റിടിച്ച് തകര്‍ക്കുകയായിരുന്നു. സംഭവത്തില്‍ അറസ്റ്റ് ചെയ്ത കാംബ്ലിയെ പിന്നീട് ജാമ്യത്തില്‍ വിട്ടയച്ചു. കാറിടിച്ചതിന് പിന്നാലെ പാര്‍പ്പിട സമുച്ചയത്തിലെ സെക്യൂരിറ്റി ജീവനക്കാരുമായി കാംബ്ലി തര്‍ക്കത്തിലേര്‍പ്പെട്ടിരുന്നു.
വിവിധ വകുപ്പുകള്‍ പ്രകാരമാണ് കാംബ്ലിക്കെതിരെ കേസെടുത്തിട്ടുളളത്. ബാന്ദ്രയിലെ പാര്‍പ്പിട സമുച്ചയത്തിന്റെ ഉടമസ്ഥന്‍ നല്‍കിയ പരാതിയുടെ അടിസ്ഥാനത്തിലായിരുന്നു ഇയാളെ കസ്റ്റഡിയിലെടുത്തത്. ഇന്ത്യക്കായി 17 ടെസ്റ്റുകളില്‍ ജഴ്‌സിയണിഞ്ഞ കാംബ്ലി 4 സെഞ്ചുറികളും 1084 റണ്‍സും നേടിയിട്ടുണ്ട്. 104 ഏകദിനങ്ങളില്‍ നിന്നായി 2 സെഞ്ച്വറികളടക്കം 2477 റണ്‍സും കാംബ്ലിയുടെ പേരിലുണ്ട്.
പ്രതികരിക്കാൻ ഇവിടെ എഴുതുക: