തിരുവനന്തപുരം: സിപിഎം സംസ്ഥാന സമ്മേളനത്തിന്റെ തീയതി മാറ്റാന്‍ നിലവില്‍ തീരുമാനിച്ചിട്ടില്ലെന്ന് സംസ്ഥാന സെക്രട്ടറി കോടിയേരി ബാലകൃഷ്ണന്‍. സംസ്ഥാന സമ്മേളനവും പാര്‍ട്ടി കോണ്‍ഗ്രസും നിശ്ചിത തീയതികളില്‍ തന്നെ നടത്തും. കോവിഡ് മാനദണ്ഡം അനുസരിച്ച് നടത്താന്‍ കഴിയുമോയെന്ന് അടുത്ത മാസം രണ്ടാം വാരത്തില്‍ ആലോചിക്കുമെന്ന് കോടിയേരി വ്യക്തമാക്കി. കോവിഡ് മാനദണ്ഡം പാലിച്ചേ പാര്‍ട്ടി പരിപാടികള്‍ നടത്താവൂയെന്ന കര്‍ശന നിര്‍ദേശം നല്‍കിയിട്ടുണ്ടെന്നും പാര്‍ട്ടി സംസ്ഥാന സെക്രട്ടറിയേറ്റിന് ശേഷം കോടിയേരി മാധ്യമങ്ങളോട് പറഞ്ഞു.കൊവിഡ് പ്രതിരോധ പ്രവര്‍ത്തനങ്ങള്‍ക്ക് പാര്‍ട്ടി പ്രവര്‍ത്തകര്‍ മുന്നിട്ടിറങ്ങണമെന്നും കോടിയേരി ആവശ്യപ്പെട്ടു.
അതേസമയം, ലോകായുക്തയുടെ അധികാരങ്ങള്‍ കവരുന്ന നിയമഭേദഗതി സര്‍ക്കാരിന് എജി നല്‍കിയ നിയമോപദേശത്തിന്റെ അടിസ്ഥാനത്തിലാണ്. അപ്പീല്‍ അധികാരമില്ലാത്തിനാലാണ് മന്ത്രിസഭ ഭേദഗതി നിര്‍ദേശിച്ചത്. മറ്റു സംസ്ഥാനങ്ങളുടെ മാതൃക കൂടി പരിഗണിച്ചാണ് നടപടി. ലോകായുക്ത വിചാരിച്ചാല്‍ ഒരു സര്‍ക്കാരിനെ തന്നെ ഇല്ലാതാക്കാന്‍ സാധിക്കുന്ന അവസ്ഥ ആണെന്നും കോടിയേരി.
പ്രതികരിക്കാൻ ഇവിടെ എഴുതുക: