കോട്ടയം: കഞ്ചാവ്, ഗുണ്ടാ മാഫിയാ സംഘങ്ങള്‍ സംരക്ഷണത്തിനായി ഡിവൈഎഫ്‌ഐയില്‍ ചേക്കേറുന്നു. കോട്ടയത്ത് എല്ലാ പ്രദേശങ്ങളിലും കാണുന്ന കാഴ്ചയാണ് ഇത്. പിന്നെ അവര്‍ക്ക് കാര്യങ്ങള്‍ എളുപ്പമായി. എന്തും ചെയ്യാം സംരക്ഷിക്കാന്‍ സിപിഎം, ഡിവൈഎഫ്‌ഐ നേതാക്കള്‍ രംഗത്തുണ്ട്.
ജില്ലയില്‍ നടന്ന എല്ലാ കഞ്ചാവ്, ഗുണ്ടാ സംഘങ്ങള്‍ക്ക് പിന്നിലും ഡിവൈഎഫ്‌ഐ നേതാക്കളോ പ്രവര്‍ത്തകരോ ഉള്‍പ്പെടുന്നു. ഇവര്‍ക്കെതിരെ പോലീസിന് യാതൊരു നടപടിയും സ്വീകരിക്കാന്‍ സാധിക്കുന്നില്ല. പരാതിയുണ്ടായാല്‍ ദുര്‍ബ്ബല വകുപ്പുകള്‍ ചുമത്തി കേസെടുക്കും. ജില്ലയില്‍ അടുത്തകാലത്തായി ചെറുതും വലുതുമായ നൂറുകണക്കിന് കുറ്റകൃത്യങ്ങളാണ് നടന്നത്.
കൊലപാതകങ്ങളും മോഷണവും പിടിച്ചുപറിയും ക്ഷേത്രമോഷണവും ഗുണ്ടകളുടെ ആക്രമണവും കഞ്ചാവ് മാഫിയാ സംഘട്ടിന്റെ അഴിഞ്ഞാട്ടവും നടക്കുമ്പോള്‍ കോട്ടയത്തെ പോലീസ് നിഷ്‌ക്രിയമാണ്. രാത്രിയായാല്‍ സാധാരണക്കാര്‍ക്ക് നഗരത്തിലൂടെ യാത്ര ചെയ്യാന്‍ സാധിക്കില്ല. ക്രമസമാധന നില സംരക്ഷിക്കാന്‍ ജില്ലയിലെ പോലീസിന് കഴിയുന്നില്ല. കാപ്പാ കേസില്‍ നടുകടത്തിയ പ്രതികള്‍ പോലീസിന്റെ കണ്‍മുമ്പിലൂടെ വിലസുകയാണ്.
പ്രതികരിക്കാൻ ഇവിടെ എഴുതുക: