മുംബൈ: മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ നട്ടെല്ലില്‍ ശസ്ത്രക്രിയ നടത്തി. നടുവേദനയെ തുടര്‍ന്ന് തുടര്‍ന്ന് നടത്തിയ പരിശോധനയില്‍ നട്ടെല്ലില്‍ ചെറിയ വളവ് കണ്ടെത്തിയിരുന്നു. തുടര്‍ന്ന് നടത്തി ശസ്ത്രക്രിയ വിജയകരമായി പൂര്‍ത്തിയായി ആശുപത്രി അധികൃതര്‍ അറിയിച്ചു. മുംബൈയിലെ എച്ച്.ആര്‍ റിലയന്‍സ് ആശുപത്രിയിലായിരുന്നു ശസ്ത്രക്രിയ.
മുഖ്യമന്ത്രിയുടെ ചികിത്സ പൂര്‍ത്തിയായാല്‍ ഉടന്‍ ഡിസ്ചാര്‍ജ് ഉണ്ടാകുമെന്നും ആശുപത്രി അധികൃതര്‍ വ്യക്തമാക്കി. 61കാരനായ ഉദ്ധവ് താക്കറെയെ കഴിഞ്ഞ ആഴ്ചയാണ് ആശുപത്രിയില്‍ പ്രവേശിപ്പിച്ചത്.നട്ടെല്ലിന്റെ ചികിത്സയില്‍ വിദഗ്ധനായ ഡോ. ശേഖര്‍ ബോജ്രാജും കാര്‍ഡിയോളജിസ്റ്റായ ഡോ. അജിത് ദേശായിയുമാണ് ശസ്ത്രക്രിയയ്‌ക്ക് നേതൃത്വം നല്‍കിയത്. സിഎംഒ മഹാരാഷ്ട്ര എന്ന ട്വിറ്റര്‍ പേജിലൂടെയാണ് മുഖ്യമന്ത്രിയുടെ ആരോഗ്യനില സംബന്ധിച്ച ഔദ്യോഗിക വിവരങ്ങള്‍ പുറത്തുവന്നത്.
പ്രതികരിക്കാൻ ഇവിടെ എഴുതുക: