തിരുവനന്തപുരം: ദത്ത് വിവാദത്തില്‍ പ്രതിക്കൂട്ടിലായ സിപിഎം മുഖംരക്ഷിക്കാന്‍ നടപടിയുമായി രംഗത്ത്. ദത്ത് വിവാദത്തില്‍ അനുപമയുടെ അച്ഛനെ സി.പി.എം. പി.എസ് ജയചന്ദ്രനെ ലോക്കല്‍ കമ്മിറ്റിയില്‍ നിന്ന് നീക്കി. പാര്‍ട്ടി പരിപാടികളില്‍ നിന്നും മാറ്റിനിര്‍ത്താനാണ് തീരുമാനം. അനുപമയുടെ അനുമതിയില്ലാതെ കുട്ടിയെ ദത്ത് നല്‍കിയ സംഭവം അന്വേഷിക്കാന്‍ ഏരിയ കമ്മിറ്റി തലത്തില്‍ സമിതി രൂപീകരിക്കുകയും ചെയ്തു.
പാര്‍ട്ടിയുടെ പേരൂര്‍ക്കട ലോക്കല്‍ കമ്മിറ്റി ജയചന്ദ്രന്റെ അസാന്നിധ്യത്തിലാണ് വിഷയം ചര്‍ച്ച ചെയ്തത്. ലോക്കല്‍ കമ്മിറ്റിയുടെ തീരുമാനം മേല്‍ക്കമ്മിറ്റിയെ അറിയിക്കുമെന്ന് സി.പി.എം ജില്ലാ സെക്രട്ടേറിയറ്റ് അംഗം കെ.സി വിക്രമന്‍ പറഞ്ഞു.
അനുപമയുടെ അമ്മ സ്മിത ജെയിംസ് ഉള്‍പ്പെടെ സി.പി.എം അംഗങ്ങളായ കേസിലെ അഞ്ച് പ്രതികള്‍ക്കെതിരെ നടപടി ഉണ്ടാകുമെന്നാണ് സൂചന.അതേസമയം, തന്റെ പിതാവിനെതിരെ ഇപ്പോഴെങ്കിലും നടപടിയെടുത്തതില്‍ സന്തോഷമുണ്ടെന്ന് അനുപമ പ്രതികരിച്ചു. പാര്‍ട്ടിക്ക് മാനക്കേട് ഉണ്ടാക്കിയത് അച്ഛനാണ്. കുറ്റം ചെയ്ത മറ്റുള്ളവര്‍ക്കെതിരെയും നടപടിയെടുക്കണമെന്ന് അനുപമ അഭിപ്രായപ്പെട്ടു.
പ്രതികരിക്കാൻ ഇവിടെ എഴുതുക: