ന്യൂദല്‍ഹി: പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ ഇന്ത്യ സ്വാശ്രയം നേടിയതായി ബിജെപി എംപി ജഗന്നാഥ് സര്‍ക്കാര്‍. കോണ്‍ഗ്രസ് ഭരണകാലത്ത് ഇന്ത്യ വിദേശ രാജ്യങ്ങളെ ആശ്രയിച്ചിരുന്നു. എന്നാല്‍ ഇപ്പോള്‍ സ്ഥിതി മാറി. പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ കേന്ദ്രസര്‍ക്കാര്‍ ഇന്ത്യയെ സ്വാശ്രയമുള്ള രാജ്യമാക്കി മാറ്റിയിരിക്കുന്നു.
സാമ്പത്തികമായും സാമൂഹികമായും ഇന്ത്യയെ ഒന്നാം റാങ്കിലേക്ക് എത്തിക്കാന്‍ പ്രധാനമന്ത്രിക്ക് സാധിച്ചു. ഇത് മോദിക്ക് മാത്രം ചെയ്യാനാകുന്ന കാര്യമാണ്. അദ്ദേഹം ചെയ്ത ജോലി ലോകത്തെ മുഴുവന്‍ സ്വാധീനിക്കുന്നതായും ജഗന്നാഥ് സര്‍ക്കാര്‍ പറഞ്ഞു. വലിയ ജനസംഖ്യയുള്ള ഇന്ത്യയില്‍ കൊവിഡ് വാക്‌സിനേഷന്‍ നൂറ് കോടിയായത് അഭിമാനകരമായ നേട്ടമാണ്. ഇതും സാധ്യമാക്കിയത് മോദിയാണ്. സബ്കാ സാഥ്, സബ്കാ വികാസ്, സബ്കാ വിശ്വാസ്, സബ്കാ പ്രയാസ്’ എന്നിവയുടെ ജീവിക്കുന്ന ഉദാഹരണമാണ് ഇന്ത്യയുടെ വാക്‌സിന്‍ കാമ്പെയിന്‍’.
ഉത്തര്‍പ്രദേശില്‍ സമാജ് വാദി പാര്‍ട്ടി ഭരിക്കുന്ന കാലത്ത് ക്രിമിനലുകള്‍ സ്വതന്ത്രരായിരുന്നു. എന്നാല്‍ ഇപ്പോള്‍ ബിജെപി ഭരണത്തില്‍ സ്ഥിതി മാറിയെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: