എസ്.പി. ബാലസുബ്രഹ്മണ്യം അവസാനമായ പാടിയ പാട്ട് പുറത്തുവിട്ട് അണ്ണാത്തെയിലെ അണിയറ പ്രവര്‍ത്തകര്‍. രജനീകാന്തിന്റെ അണ്ണാത്തെയ്‌ക്ക് വേണ്ടിയാണ് അന്തരിക്കും മുമ്പ് എസ്പിബി പാടിയത്. ഗാനത്തിന്റെ തെലുങ്ക് പതിപ്പ് പൂര്‍ത്തിയാകാത്തതിനാല്‍ എസ്പിബിയുടെ ശബ്ദത്തിലുള്ള ഈ ഗാനം പുറത്തുവിടാന്‍ താമസിച്ചത്.
എസ്പി ബാലസുബ്രഹ്മണ്യം സാറിന്റെ ശബ്ദത്തില്‍ നിന്നുള്ള ഊര്‍ജ്ജസ്വലമായ ഒരു ഗാനമായിരിക്കും ഇതെന്ന് സംഗീതസംവിധായകന്‍ ഇമ്മന്‍ പറഞ്ഞിരുന്നു.എസ്പിബി സാറിനൊപ്പം ഗാനത്തിന്റെ തെലുങ്ക് പതിപ്പ് നിര്‍മ്മിക്കാന്‍ തങ്ങള്‍ ആലോചിച്ചു. പക്ഷേ അത് നടന്നില്ലെന്നും ഇമ്മന്‍ പറഞ്ഞു. രജനീകാന്തിനെ നായകനാക്കി ശിവ സംവിധാനം ചെയ്യുന്ന ‘അണ്ണാത്തെ’ ദീപാവലി ചിത്രമാണ് തിയറ്ററുകളില്‍ എത്തുന്നത്.
നവംബര്‍ നാലിന് സിനിമ തിയറ്ററുകളിലെത്തും. നയന്‍താര, കീര്‍ത്തി സുരേഷ്, പ്രകാശ് രാജ്, മീന, ഖുശ്ബു തുടങ്ങിയവരാണ് സിനിമയിലെ മറ്റ് പ്രധാന താരങ്ങള്‍. ജാക്കി ഷ്‌റോഫ്, ജഗബതി ബാബു എന്നിവര്‍ വില്ലന്‍ കഥാപാത്രങ്ങളെ അവതരിപ്പിക്കുന്നു. സംഗീതം ഡി. ഇമ്മന്‍. വെട്രി പളനിസ്വാമിയാണ് ഛായാഗ്രാഹകന്‍. എഡിറ്റിങ്.
പ്രതികരിക്കാൻ ഇവിടെ എഴുതുക: