സെവന്‍ത് ഡേ, സിന്‍ജാര്‍ എന്ന ചിത്രത്തിനു ശേഷം ഷിബു ജി. സുശീലന്‍ നിര്‍മിച്ച് വിയാന്‍ വിഷ്ണു സംവിധാനം ചെയ്യുന്ന ചിത്രമാണ് ഏക് ദിന്‍.
ഏറെ പുതുമുഖങ്ങള്‍ അണിനിരക്കുന്ന ചിത്രത്തില്‍ ഉണ്ണി മുകുന്ദന്‍, ഇന്ദ്രന്‍സ്, ശ്രീകാന്ത് മുരളി, ദേവകി രാജേന്ദ്രന്‍, വൈഷ്ണവി വേണു ഗോപാല്‍, ബിലാസ് നായര്‍, നന്ദന്‍ ഉണ്ണി, കോട്ടയം പ്രദീപ്, വി കെ ബൈജു, വിനോദ്, അജിത്ത് കുമാര്‍ തുടങ്ങിയ പ്രമുഖരും ശക്തമായ കഥാപാത്രങ്ങളെ അവതരിപ്പിക്കുന്നു.
പ്രതികാരത്തിന്റെ കഥയല്ലിത്! ആഴങ്ങളിലേക്കുള്ള ചവിട്ടി താഴ്‌ത്തലുകളില്‍ നിന്ന് തളരാതെ വീറോടെ.. വാശിയോടെ.. കേറി വാടാ… കേറി വാടാന്നു സ്വയം പറഞ്ഞ് ജീവിതം പൊരുതി നേടിയവരുടെ ആവേശത്തിന്റെ കഥയാണ് ‘ഏക് ദിന്‍’ എന്ന ചിത്രത്തില്‍ ദൃശ്യവല്‍ക്കരിക്കുന്നത്.
കൊച്ചിയിലും മുംബൈയിലുമായി വിവിധ ഷെഡ്യൂളുകളായി 120 ദിവസംകൊണ്ട് ചിത്രീകരണം പൂര്‍ത്തീകരിച്ച ഈ ചിത്രം, ജീവിതമാകുന്ന പോരാട്ടത്തിലെ വിവിധ ഘട്ടങ്ങളിലൂടെയൊരു യാത്രയാണ്. ബി. കെ. ഹരിനാരായണന്‍, വിനായക് ശശികുമാര്‍, ശബരീഷ് വര്‍മ്മ, ദീപക് റാം എന്നിവരുടെ വരികള്‍ക്ക് സംഗീതം നവാഗതനായ ജോസ് ഫ്രാങ്ക്ലിന്‍ സംഗീതം പകരുന്നു. സിത്താര, ജാസി ഗിഫ്റ്റ്, ജോബ് കുര്യന്‍, വിധു പ്രതാപ്, ഹിഷാം അബ്ദുള്‍ വഹാബ്, സച്ചിന്‍ വാര്യര്‍, ഭദ്രാ റജിന്‍, ഉണ്ണി മുകുന്ദന്‍ എന്നിവരാണ് ഗായകര്‍.
കുറ്റാന്വേഷണ ചിത്രങ്ങളുടെ ശ്രേണിയില്‍ തന്നെ വ്യത്യസ്തമായൊരു വഴിത്തിരിവിനു തുടക്കമിട്ട് വലിയ വിജയം കൊയ്ത സെവന്‍ത് ഡേ ക്കും, സിനിമാ ലോകത്തിന്റെ തന്നെ യശസ്സ് വാനോളമുയര്‍ത്തി രണ്ട് ദേശീയ പുരസ്‌കാരങ്ങളും ഒട്ടനവധി അന്തര്‍ദേശീയ പുരസ്‌കാരങ്ങളും നേടി, കാന്‍സ് അന്താരാഷ്‌ട്ര ചലച്ചിത്രോത്സവമുള്‍പ്പടെ പല വേദികളിലും പ്രദര്‍ശിപ്പിച്ച ‘സിന്‍ജാര്‍’നും ശേഷം ഷിബു ജി. സുശീലന്‍ നിര്‍മിക്കുന്ന ചിത്രമാണ് ഏക് ദിന്‍.
നിരവധി ദേശീയ-അന്തര്‍ദേശീയ പുരസ്‌കാരങ്ങള്‍ കൈവരിച്ച എ മില്ല്യണ്‍ തിങ്‌സ് എന്ന ഹ്രസ്വ ചിത്രം ഒരുക്കിക്കൊണ്ടാണ് ചലച്ചിത്ര രംഗത്ത് കടന്നുവന്ന വ്യക്തിയാണ് വിയാന്‍ വിഷ്ണു.
പ്രതികരിക്കാൻ ഇവിടെ എഴുതുക: