തിരുവനന്തപുരം; അടിസ്ഥാന ജനവിഭാഗങ്ങളുടെ ഉന്നമനത്തിനായി പ്രയത്‌നിച്ച നേതാവായിരുന്നു പണ്ഡിറ്റ് ദീനദയാല്‍ ഉപാധ്യായയെന്ന് വിദേശകാര്യ സഹമന്ത്രി വി. മുരളീധരന്‍. ജനസംഘം നേതാവായിരിക്കെ പാവപ്പെട്ടവര്‍ക്ക് ഭൂമി ലഭിക്കാന്‍ ഭൂപരിഷ്‌കരണ നിയമം ഉള്‍പ്പെടെയുള്ള ആശയങ്ങള്‍ ലക്ഷ്യമിട്ട് അദ്ദേഹം പ്രവര്‍ത്തിച്ചു. ദീനദയാല്‍ ഉപാധ്യായ അനുസ്മരണത്തോടനു ബന്ധിച്ച് തിരുവനന്തപുരത്ത് ഉള്ളൂരില്‍ നടന്ന പുഷ്പാര്‍ച്ചനക്ക് ശേഷം സംസാരിക്കുകയായിരുന്നു മന്ത്രി.
പാര്‍ശ്വവല്‍ക്കരിക്കപ്പെട്ടവരുടെ ഉന്നമനമെന്ന ഗാന്ധിയന്‍ ദര്‍ശനത്തില്‍ അധിഷ്ഠിതമായിരുന്നു അദ്ദേഹത്തിന്റെ അന്ത്യോദയ സങ്കല്‍പ്പം. പാവപ്പെട്ടവര്‍ക്ക് ഭൂമി, വീട്, കുടിവെള്ളം എന്നിവ ലഭ്യമാക്കണമെന്ന ദീനദയാല്‍ജിയുടെ ആശയ ങ്ങള്‍ വലിയൊരളവ് യഥാര്‍ത്ഥ്യമാക്കാന്‍ പ്രധാനമന്ത്രി നരേന്ദ്ര മോദി നയിക്കുന്ന ഗവണ്‍മെന്റിന് കഴിഞ്ഞു.
അന്ത്യോദയ അന്ന യോജന ഉള്‍പ്പെടെയുള്ള കേന്ദ്രാവിഷ്‌കൃത പദ്ധതികള്‍ സാധാരണക്കാര്‍ക്ക് ഭക്ഷണം ഉറപ്പു വരുത്തി. മഹാമാരിയുടെ ദുരിത കാലത്ത് പോലും രാജ്യത്ത് ആരും പട്ടിണി കിടക്കുന്ന അവസ്ഥ ഉണ്ടായില്ലെന്നും വികസിത രാജ്യമെന്ന ആശയം യാഥാര്‍ത്ഥ്യമാക്കാന്‍ ഗവണ്‍മെന്റ് പ്രതിജ്ഞാബദ്ധമാണെന്നും മുരളീധരന്‍ പറഞ്ഞു.
പ്രതികരിക്കാൻ ഇവിടെ എഴുതുക: