കൊട്ടാരക്കര: വിശ്വഹിന്ദു പരിഷത്ത് കോട്ടാത്തല സ്ഥാനീയ സമിതിയുടെ നേതൃത്വത്തില്‍ ക്യാന്‍സര്‍ രോഗികളെ സഹായിക്കാന്‍ പ്രഥമന്‍ ചലഞ്ച് സംഘടിപ്പിക്കുന്നു. കോട്ടാത്തലയിലും പരിസരത്തുമായി ആര്‍സിസിയില്‍ ചികിത്സ ചെയ്യുന്ന നിര്‍ധനരായ രോഗികളെ സഹായിക്കുന്നതിനുള്ള പണം പ്രഥമന്‍ ചലഞ്ചിലൂടെ പണം കണ്ടെത്തുകയാണ് ലക്ഷ്യം.
ഇതിലേക്കാവശ്യമായ സാമ്പത്തികം കണ്ടെത്താനുള്ള മാര്‍ഗ്ഗമായി ഉത്രാട ദിവസം ഉച്ചയൂണിന് മുമ്പായി പ്രഥമന്‍ വീടുകളില്‍ എത്തിക്കും. ഒരു ലിറ്ററിന് 250 രൂപയാണ് വിലയായി ഈടാക്കുന്നത്. ലിറ്ററിന് 50-60 രൂപാ മിച്ചം കിട്ടും. ഇങ്ങനെ കിട്ടുന്ന തുക രോഗികളെ സഹായിക്കാന്‍ ഉപയോഗിക്കും.
ഉത്രാടത്തിന് വീടുകളില്‍ പായസം വാങ്ങുന്നത് വഴി ജീവകാരുണ്യ പ്രവര്‍ത്തനങ്ങളിലും ഭാഗമാകാന്‍ ഇതിലൂടെ സാധിക്കുമെന്ന് ഭാരവാഹികള്‍ പറഞ്ഞു. ഫോണ്‍: 9544477383, 7559900129.
പ്രതികരിക്കാൻ ഇവിടെ എഴുതുക: