ഗോദയില്‍ വെങ്കല മെഡല്‍ ദീപക് പുനിയയ്‌ക്ക് നഷ്ടം; ഇന്ത്യന്‍ താരത്തിന് അടി തെറ്റിയത് അവസാന സെക്കന്റുകളില്‍

ടോക്കിയോ: പുരുഷന്‍മാരുടെ 86 കിലോഗ്രാം വിഭാഗത്തില്‍ ഇന്ത്യയുടെ ദീപക് പുനിയയ്‌ക്കു വെങ്കല മെഡല്‍ നഷ്ടം. ഇഞ്ചോടിഞ്ട് മത്സരത്തില്‍ സാന്‍ മരിയം താരം മെല്‍ അമിനെയോടാണ് പോയിന്റുകള്‍ക്ക് പുനിയ തോറ്റത്.  അവസാന സെക്കന്റുകളിലാണ് പുനിയയ്‌ക്ക് അടിതെറ്റിയത്. സെമിഫൈനലില്‍ ലോക ഒന്നാം നമ്പര്‍ താരം അമേരിക്കയുടെ ഡേവിഡ് മോറിസ് ടെയ്‌ലറോട് ആദ്യ റൗണ്ടില്‍ തന്നെ പത്തു പോയിന്റിനാണ് പുനിയ തോല്‍വി ഏറ്റുവാങ്ങിയിരുന്നു. റൗണ്ട് ഓഫ് 16 മത്സരത്തില്‍ നൈജീരിയന്‍ താരമായ എകേറെകീമേ അഗിയോമോറിനെ 12-1ന് തകര്‍ത്തെറിഞ്ഞ പ്രകടനവുമായി ക്വാര്‍ട്ടറില്‍ എത്തിയ ദീപക് പുനിയ ചൈനീസ് താരത്തിനെതിരെ അവസാന നിമിഷം പുറത്തെടുത്ത മികവിലൂടെയാണ് ജയം നേടിയെടുത്തത്. 

ആദ്യ റൗണ്ടില്‍ ദീപക് 1-0ന് മുന്നിലായിരുന്നു. 3-1ന് മുന്നിലായിരുന്ന ദീപക് പിന്നീട് 5-1ന്റെ ലീഡ് നേടിയെങ്കിലും ഈ തീരുമാനത്തെ ചലഞ്ച് ചെയ്ത ചൈന താരത്തിന്റെ ലീഡ് കുറച്ച് കൊണ്ടുവന്നു.പിന്നാലെ തന്നെ ചൈനീസ് താരം 3-3ന് ദീപക്കിന് ഒപ്പമെത്തി. ഇരുവരും ജയത്തിനായി പോരാടിക്കൊണ്ടിരിക്കെ അവസാന അഞ്ച് സെക്കന്റില്‍ നടത്തിയ മികച്ച ഒരു നീക്കമാണ് ജയം നേടിക്കൊടുത്തത്. ഇതില്‍ നിന്നും മൂന്ന് പോയിന്റ് നേടിയ താരം മത്സരം 6-3 എന്ന നിലയില്‍ ജയിക്കുകയായിരുന്നു.