ആലപ്പുഴ: ജില്ലയില്‍ ആകെ കോവിഡ് ബാധിതരുടെ എണ്ണം രണ്ടു ലക്ഷം പിന്നിട്ടു. ഇന്നലെ വരെ 2,00,881 പേര്‍ക്കാണ് രോഗം ബാധിച്ചത്. ഇന്നലെ ജില്ലയില്‍ 720പേര്‍ക്ക് കോവിഡ് സ്ഥിരീകരിച്ചു. 712 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 7 പേരുടെ സമ്പര്‍ക്ക ഉറവിടം വ്യക്തമല്ല. ആരോഗ്യ പ്രവര്‍ത്തകരില്‍ ഒരാള്‍ക്ക് രോഗം സ്ഥിരീകരിച്ചിട്ടുണ്ട്. 766 പേര്‍ രോഗമുക്തരായി. ആകെ 192946 പേര്‍ രോഗ മുക്തരായി. 7935 പേര്‍ ചികിത്സയില്‍ഉണ്ട്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 9.94 ശതമാനമാണ്.
240 പേര്‍ കോവിഡ് ആശുപത്രികളിലും 1285 പേര്‍ സി.എഫ്എല്‍റ്റിസികളിലും ചികിത്സയിലുണ്ട്. 5272 പേര്‍ വീടുകളില്‍ ഐസൊലേഷനിലുണ്ട്. 134 പേരെ ആശുപത്രി നിരീക്ഷണത്തില്‍ പ്രവേശിപ്പിച്ചു. 2041 പേര്‍ നിരീക്ഷണത്തില്‍ നിന്ന് ഒഴിവാക്കപ്പെട്ടു. 1953 പേര്‍ നിരീക്ഷണത്തിന് നിര്‍ദേശിക്കപ്പെട്ടു. ആകെ 21743 പേര്‍ നിരീക്ഷണത്തില്‍ കഴിയുന്നു. 7238 സാമ്പിളുകളാണ് വെള്ളിയാഴ്ച പരിശോധനയ്‌ക്ക് അയച്ചത്.
പ്രതികരിക്കാൻ ഇവിടെ എഴുതുക: