കണ്ണൂര്‍ : ഭരണം ദുരുപയോഗം ചെയ്ത് സിപിഎം കൊലപാതകികള്‍ക്ക് താര പരിവേഷമാണ് നല്‍കുന്നത്. കള്ളക്കടത്ത് ക്വട്ടേഷന്‍ സംഘങ്ങളില്‍ നിന്നും ലെവി പിടിക്കുന്ന പാര്‍ട്ടിയായി സിപിഎം മാറിയെന്ന് യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഷാഫി പറമ്പില്‍. സ്വര്‍ണ്ണക്കടത്ത്, ക്വട്ടേഷന്‍ സംഘങ്ങളുമായി സിപിഎം നേതാക്കള്‍ക്ക്് ബന്ധമുണ്ടെന്ന ആരോപണത്തില്‍ പ്രതികരിക്കുകയായിരുന്നു ഷാഫി.
മുഖ്യമന്ത്രിയുടെ മാധ്യമ ഉപദേഷ്ടാവായി നില്‍ക്കുന്ന ആളുടെ സഹോദരന്‍ ക്വട്ടേഷന്‍ സംഘത്തലവനാണെന്നും ഷാഫി ആരോപിച്ചു. പാര്‍ട്ടി സ്വര്‍ണ്ണക്കടത്തിന്റെ പങ്ക് പ്രാദേശികമായി പറ്റുന്നുണ്ട്. വിഷയത്തില്‍ സ്വതന്ത്ര അന്വേഷണം വേണം. ക്രിമിനല്‍ സംഘങ്ങള്‍ക്ക് പ്രോത്സാഹനം നല്‍കുകയാണ് സിപിഐഎം. ക്വട്ടേഷന്‍ സംഘങ്ങളെ ഒരു പോഷക സംഘടനയായിട്ടാണ് കാണുന്നതെന്നും ഷാഫി കുറ്റപ്പെടുത്തി.
സ്വര്‍ണ്ണക്കടത്ത്, ക്വട്ടേഷനുകള്‍ക്ക് പിന്നില്‍ സിപിഎം അറിഞ്ഞു തന്നെ വളര്‍ത്തിയ സംഘമാണ്. ഇതില്‍ ഉള്‍പ്പെട്ടിട്ടുള്ള ടിപി വധക്കേസ് പ്രതികളായ കൊടി സുനി, മുഹമ്മദ് ഷാഫി എന്നിവരുടെ പരോള്‍ സംബന്ധിച്ച് അന്വേഷണം നടത്തണം. സ്വര്‍ണ്ണക്കടത്തിന് പിന്നില്‍ ഇവരാണെങ്കില്‍ പിന്നെ ചിലപ്പോള്‍ അന്വേഷണം നടന്നേക്കില്ല. ടിപി കേസ് പ്രതികള്‍ ജയിലില്‍ കഴിയുമ്പോഴും സ്വര്‍ണ്ണക്കടത്തുകള്‍ നിയന്ത്രിച്ചിരുന്നു എന്നത് പാര്‍ട്ടി സഹായം നല്‍കിയിരുന്നു എന്നതിന്റെ തെളിവാണ്. കസ്റ്റംസ് അന്വേഷണം കൂടാതെ മറ്റ് ഏജന്‍സികളും കേസില്‍ സ്വതന്ത്ര അന്വേഷണം നടത്തണമെന്നും ഷാഫി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: