അഹമ്മദാബാദ്: കോവിഡ് രണ്ടാം തരംഗം തീര്‍ത്ത തിരിച്ചടിയില്‍ ബിസിനസുകാര്‍ക്ക് കൈത്താങ്ങായി ഗുജറാത്തിലെ ബിജെപി സര്‍ക്കാര്‍.
ഗുജറാത്തില്‍ സിനിമാശാലകള്‍, മള്‍ട്ടിപ്ലക്‌സുകള്‍, ജിംനേഷ്യങ്ങള്‍ എന്നിവയുടെ വസ്തുനികുതി ഒരു വര്‍ഷത്തേക്ക് റദ്ദാക്കിയതായി മുഖ്യമന്ത്രി വിജയ് രൂപാണി അറിയിച്ചു. അദ്ദേഹം ഇതു സംബന്ധിച്ച് നടത്തിയ ട്വീറ്റ് ഇപ്പോള്‍ വൈറലാണ്.
ഈ സാമ്പത്തിക വര്‍ഷം, അതായത് 2021 ഏപ്രില്‍ ഒന്ന് മുതല്‍ 2022 മാര്‍ച്ച് 31 വരെ ഒരു വര്‍ഷക്കാലം സിനിമാശാലകള്‍, മള്‍ട്ടിപ്ലക്‌സുകള്‍, ജിംനേഷ്യങ്ങള്‍ എന്നിവ വസ്തുനികുതി അടയ്‌ക്കേണ്ടതില്ല. അതുപോലെ ഈ സ്ഥാപനങ്ങള്‍ക്ക് ഉപയോഗിച്ച വൈദ്യുതിയ്‌ക്ക് മാത്രം പണമൊടുക്കിയാല്‍ മതിയാകും. ഒരു യൂണിറ്റ് പോലും ഉപയോഗിച്ചില്ലെങ്കില്‍ പണമടയ്‌ക്കേണ്ടതില്ലെന്നര്‍ത്ഥം. അല്ലാതെ മുന്‍കൂട്ടി തീരുമാനിക്കപ്പെട്ട സ്ഥിരം വൈദ്യുതി ചാര്‍ജ്ജ് അടയ്‌ക്കേണ്ടതില്ല.
പ്രതികരിക്കാൻ ഇവിടെ എഴുതുക: