ഹനോയ് : വിയറ്റ്നാമില് പുതിയ അപകടകാരിയായ കോവിഡ് വകഭേദം കണ്ടെത്തി. ജനിതക മാറ്റം സംഭവിച്ച് കോവിഡ് വകഭേദത്തിന്റെ സങ്കരയിനമാണ് ഇതെന്നാണ് വിലയിരുത്തല്‍. ഈ വൈറസ് അതിവേഗം പടരുന്ന ഏറ്റവും അപകടകാരിയാണെന്നും വിയറ്റ്‌നാം ആരോഗ്യമന്ത്രി ഗുയങ് തങ് ലോങ് അറിയിച്ചു.
ലോകാരോഗ്യ സംഘടന ആശങ്കാജനകമായ കോവിഡ് വകഭേദമെന്ന് ബ്രിട്ടണില്‍ പടര്‍ന്നു പിടിച്ച കോവിഡ് വകഭേദത്തിന് മുന്നറിയിപ്പ് നല്‍കിയിരുന്നു. ഈ വകഭേദത്തിന്റെ സങ്കരയിനം ആയതിനാല്‍ ഇത് വായുവിലൂടെ അതിവേഗം പടര്‍ന്ന് വ്യാപിക്കുമെന്ന് വിയറ്റ്‌നാം മുന്നറിയിപ്പ് നല്‍കിയിട്ടുണ്ട്.
ഇതിനോടകം 6856 പേര്‍ക്ക് വിയറ്റ്നാമില് കോവിഡ് സ്ഥിരീകരിച്ചിട്ടുണ്ട്. 47 പേര്‍ മരിച്ചു. കഴിഞ്ഞ വര്‍ഷം കോവിഡ് വ്യാപനത്തെ വിജയകരമായി അതിജീവിച്ച വിയറ്റ്നാമില് നിലവില്‍ കേസുകള്‍ ഉയരുന്നതാണ് കാഴ്ച. ഈ വര്‍ഷം ഏപ്രിലിന് ശേഷം പുതിയ രോഗികളുടെ എണ്ണം വര്‍ധിക്കുകയാണ്. ഇതിനോടകം ഏഴ് കോവിഡ് വകഭേദങ്ങള്‍ വിയറ്റ്നാമില് സ്ഥിരീകരിച്ചതായും റിപ്പോര്‍ട്ടുകളുണ്ട്.
പ്രതികരിക്കാൻ ഇവിടെ എഴുതുക: