പെരിയ : ഇന്ത്യ ഫാസിസ്റ്റ് രാജ്യമാണെന്ന് പരാമര്‍ശിച്ച കാസര്‍കോഡ്് പെരിയ കേന്ദ്ര സര്‍വ്വകലാശാല അധ്യാപകനെ വിസി സസ്‌പെന്‍ഡ് ചെയ്തു. പെരിയ കേന്ദ്ര സര്‍വ്വകലാശാല ക്യാമ്പസ്സിലെ അസിസ്റ്റന്റ് പ്രൊഫസര്‍ ഗില്‍ബര്‍ട്ട് സെബാസ്റ്റിനെ അന്വേഷണവിധേയമായാണ് സസ്‌പെന്‍ഡ് ചെയ്തത്.
വിദ്യാര്‍ത്ഥികള്‍ക്ക് ഓണ്‍ലൈന്‍ ക്ലാസ് എടുക്കുന്നതിനിടെയാണ് ഇന്ത്യ ഫാസിസ്റ്റ് രാജ്യമാണെന്ന് ഗില്‍ ബര്‍ട്ട് പരാമര്‍ശം നടത്തിയത്. ഇതിനെതിരെ എബിവിപി ഉള്‍പ്പടെയുള്ള സംഘടനകള്‍ രംഗത്ത് വരികയും സര്‍വ്വകലാശാല അധ്യാപകനോട് വിശദീകരണം തേടുകയും ചെയ്തിരുന്നു.
എന്നാല്‍ അധ്യാപകന് നല്‍കിയ വിശദീകരണം തൃപ്തികരമല്ലാത്തതിനെ തുടര്‍ന്ന് റൂള്‍ 14 പ്രകാരമാണ് സസ്‌പെന്‍ഡ് ചെയ്യുന്നതെന്ന് വൈസ് ചാന്‍സലര്‍ പ്രൊഫസര്‍ എച്ച്. വെങ്കിടേശ്വര്‍ലു അറിയിച്ചു. പ്രൊഫസറുടേത് ഗുരുതരമായ അച്ചടക്ക ലംഘനമാണെന്നും കര്‍ശ്ശന നടപടി കൈക്കൊള്ളണമെന്ന് കേന്ദ്ര മാനവ വിഭവശേഷി മന്ത്രാലയവും ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: