കാഞ്ചി കാമാക്ഷി അമ്മന്‍ കോവിലിന് സമീപം യേശുവിനെ വാഴ്‌ത്തി പോസ്റ്റര്‍; എതിര്‍ത്ത് ഹിന്ദു മക്കള്‍ കക്ഷി

ചെന്നൈ : കാഞ്ചി കാമാക്ഷി അമ്മൻ ക്ഷേത്രത്തിനു സമീപത്തെ മതിലുകളില്‍ യേശുവിനെ വാഴ്‌ത്തുന്ന പോസ്റ്ററുകള്‍ പതിപ്പിച്ച് മിഷണറിമാര്‍.  

‘ യേശു തമിഴ്‌നാടിനെ അനുഗ്രഹിക്കട്ടെ ‘ എന്നതാണ്  പോസ്റ്ററിന്റെ ഉള്ളടക്കം.   വി.സി.കെ, നാം തമിഴർ കക്ഷി എന്നീ സംഘടനകളാണ് ഈ പോസ്റ്ററുകള്‍  പ്രചരിപ്പിക്കുന്നതെന്ന് പറയുന്നു.  പെസഹ , ഈസ്റ്റർ തുടങ്ങി ക്രിസ്ത്യൻ ആഘോഷ  പൂർത്തിയായിട്ടും ഇത്തരം പോസ്റ്ററുകൾ പതിക്കുന്നതിന്റെ സാംഗത്യം ചോദ്യം ചെയ്യപ്പെടുകയാണ്. 

സംഭവത്തിൽ പ്രതിഷേധിച്ച് ഹിന്ദു മക്കൾ കക്ഷി രംഗത്ത് വന്നു . ഹൈന്ദവ വിശ്വാസങ്ങളെ അപമാനിക്കുന്നുവെന്ന് കാട്ടി ഹിന്ദു മക്കൾ കക്ഷി പോലീസിൽ പരാതിയും നൽകി. വിശ്വഹിന്ദു പരിഷത്ത് , ഹിന്ദു മുന്നണി , ബിജെപി എന്നീ സംഘടനകളും പിന്തുണയുമായി എത്തി.  

രാജ്യത്ത് ദരിദ്രരായ ഒട്ടേറെ ഹിന്ദുമതവിശ്വാസികളെ  മിഷനറിമാർ മതപരിവർത്തനം ചെയ്തിരുന്നു. ഏകദേശം ഒരു ലക്ഷത്തിലേറെ പേർ ഇത്തരത്തിൽ ക്രിസ്തുമതത്തിലേക്ക് പരിവർത്തനം ചെയ്തതയാണ് കണക്ക്. കൂടാതെ ഒരു വർഷത്തിനുള്ളിൽ 50,000 ത്തോളം ഗ്രാമങ്ങൾ ഇവർ ദത്തെടുത്തു.