സഹാനുഭൂതിയുടെ അവതാരം, യേശു ക്രിസ്തുവിന്റെ ത്യാഗങ്ങളുടെയും സഹനങ്ങളുടെയും സ്മരണയാണ് ദുഖവെള്ളിയെന്ന് പ്രധാനമന്ത്രി നരേന്ദ്രമോദി

ന്യൂദല്‍ഹി : ദുഃഖവെള്ളി ദിന സന്ദേശം നല്‍കി പ്രധാനമന്ത്രി നരേന്ദ്രമോദി. ദുഖമനുഭവിക്കുന്നവരെ സേവിക്കുകയും ദുരിതമനുഭവിക്കുന്നവരെ സൗഖ്യമാക്കുകയും ചെയ്ത മഹാനായിരുന്നു യേശുക്രിസ്തു. സഹാനുഭൂതിയുടെ അവതാരമായിരുന്നു അദ്ദേഹം.  

ദുഖവെള്ളി യേശു ക്രിസ്തുവിന്റെ ത്യാഗങ്ങളുടെയും സഹനങ്ങളുടെയും സ്മരണയാണ്. ദുരിതമനുഭവിക്കുന്നവരെ അദ്ദേഹം സൗഖ്യപ്പെടുത്തിയെന്നും പ്രധാനമന്ത്രി അറിയിച്ചു. ട്വിറ്ററിലൂടെയായിരുന്നു പ്രധാനമന്ത്രി ദുഖവെള്ളി സന്ദേശം നല്‍കിയത്. 

നിയമസഭാ തെരഞ്ഞെടുപ്പിന്റെ ഭാഗമായി മോദി ഇന്ന് കേരളവും തമിഴ്‌നാട്ടിലും സന്ദര്‍ശനം നടത്തും. കേരളത്തില്‍ കോന്നിയിലേയും, തിരുവനന്തപുരത്തേയും തെരഞ്ഞെടുപ്പ് പ്രചാരണങ്ങളില്‍ പങ്കെടുക്കും.