കാലടി: കാലടി ശ്രീശങ്കര കോളേജില്‍ എസ്എഫ്‌ഐയുടെ മാഗസിന്‍ പ്രകാശനത്തോടനുബന്ധിച്ചു സംഘടിപ്പിച്ച ഡിജെ പാര്‍ട്ടിക്കിടെ എസ്എഫ്‌ഐക്കാര്‍ തമ്മില്‍ സംഘര്‍ഷം. രണ്ട് എസ്എഫ്‌ഐക്കാര്‍ക്ക് കുത്തേറ്റു. ഒരാളുടെ നില ഗുരുതരം.
കോളേജിലെ പൂര്‍വവിദ്യാര്‍ഥി പെരുമ്പാവൂര്‍ മുണ്ടക്കല്‍ വീട്ടില്‍ അരുണ്‍ ശിവന്‍ (24), കോളേജില്‍ പഠിക്കുന്ന കോടനാട് പാലാട്ടി വീട്ടില്‍ ആദിത്യന്‍ (20) എന്നിവര്‍ക്കാണ് കുത്തേറ്റത്. ഗുരുതരാവസ്ഥയിലുള്ള അരുണ്‍ ശിവന്റെ വയറ്റിലാണ് കുത്തേറ്റത്. ഇരുവരും അങ്കമാലിയിലെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്.
ഇന്നലെ ഉച്ചയ്‌ക്ക് രണ്ടിനാണ് ഡിജെ പാര്‍ട്ടി ആരംഭിച്ചത്. കൊവിഡ് മാനദണ്ഡങ്ങള്‍ പാലിക്കാതെ നടന്ന പരിപാടിയില്‍ കോളേജിന് പുറത്ത് നിന്ന് വന്നവരടക്കം ആയിരത്തോളം പേര്‍ പങ്കെടുത്തു. ക്യാമ്പസിനകത്ത് എസ് ബ്ലോക്കിന് സമീപം പ്രത്യേകം സ്റ്റേജ് കെട്ടിയായിരുന്നു പരിപാടി. മയക്കുമരുന്ന് ഉള്‍പ്പെടെയുള്ള ലഹരി പദാര്‍ത്ഥങ്ങള്‍ പാര്‍ട്ടിയില്‍ പങ്കെടുത്തവര്‍ ഉപയോഗിച്ചിരുന്നതായി വിദ്യാര്‍ഥികള്‍ പറയുന്നു. സംഭവത്തില്‍ ഒരാള്‍ പിടിയിലായതായും, അഞ്ചോളം പേര്‍ക്കെതിരെ കേസെടുത്തതായും പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: