എറണാകുളം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ക്രിസ്ത്യന്‍ പാസ്റ്റര്‍ അറസ്റ്റില്‍. എറണാകുളം ജില്ലയിലെ കുന്നത്തുനാടാണ് സംഭവം. 75 കാരനായ ക്രിസ്ത്യന്‍ പാസ്റ്റര്‍ മാത്യു ആണ് പോലീസ് പിടിയിലായിരിക്കുന്നത്. ഇടുക്കിയിലെ കൊന്നതടിക്ക് സമീപം മുക്കാടം സ്വദേശിയാണ് ഇയാള്‍. ജനുവരിയിലാണ് ഇത്തരത്തില്‍ ഒരു കുറ്റകൃത്യം നടന്നതായി പെണ്‍കുട്ടിയുടെ അമ്മ കുന്നത്തുനാട്ടില്‍ പോലീസില്‍ പരാതിപ്പെടുന്നത്.
പ്രതിയായ പാസ്റ്റര്‍ മതപരമായ ചടങ്ങുകള്‍ക്ക് വേണ്ടി വീടുകള്‍ കയറി നടന്നിരുന്ന ആളാണെന്ന് പോലീസ് അറിയിച്ചു. ശനിയാഴ്ച കൊന്നത്തടിയില്‍ നിന്നുമാണ് ഇയാളെ പിടികൂടിയത്. പാസ്റ്റര്‍ക്കെതിരെ പോക്‌സോ കുറ്റങ്ങള്‍ അടക്കം ചുമത്തിയിട്ടുണ്ടെന്നും പോലീസ് വ്യക്തമാക്കി. കുറ്റകൃത്യം നടന്ന സ്ഥലത്തെക്കുറിച്ചുള്ള മറ്റ് വിശദാംശങ്ങളോ കുട്ടിയെക്കുറിച്ചുള്ള മറ്റ് വിവരങ്ങളോ വെളിപ്പെടുത്താന്‍ കഴിയില്ലെന്ന് പോലീസ് വ്യക്തമാക്കി. അറസ്റ്റിന് ശേഷം പ്രതിയെ പോലീസ് കസ്റ്റഡിയില്‍ വിട്ടു.
പ്രതികരിക്കാൻ ഇവിടെ എഴുതുക: