ന്യൂദല്‍ഹി: നിയമസഭാ തെരഞ്ഞെടുപ്പില്‍ പാലാ സീറ്റ് വിട്ടുകൊടുക്കില്ലെന്ന് ആവര്‍ത്തിച്ച് മാണി സി കാപ്പന്‍. തോറ്റ പാര്‍ട്ടിക്ക് സീറ്റ് വിട്ടുകൊടുക്കാനില്ലെന്നും പാലായില്‍ തന്നെ മത്സരിക്കുമെന്നും അദ്ദേഹം വ്യക്തമാക്കി. കുട്ടനാടും ഇല്ല, മുട്ടനാടും ഇല്ല. പാലായില്‍ മത്സരിച്ചാണ് വിജയിച്ചത്. നീന്താനറിയില്ല, കുട്ടനാട്ടിലേക്കില്ല. വീണ്ടും പലായിയില്‍ തന്നെ മത്സരിക്കും. 27ന് ചേരുന്ന ഇടതുമുന്നണി യോഗത്തില്‍ പങ്കെടുക്കുമെന്നും മാണി സി കാപ്പന്‍ പറഞ്ഞു.
നാലു പ്രാവശ്യം മത്സരിച്ച് പിടിച്ചെടുത്ത സീറ്റാണ് പാല. അത് തോറ്റ പാര്‍ട്ടിക്ക് വിട്ടുകൊടുക്കില്ല. എ കെ ശശീന്ദ്രന്‍ വിഭാഗം കഴിഞ്ഞദിവസം തിരുവനന്തപുരത്ത് യോഗം ചേര്‍ന്നത് അസാധാരണ നടപടിയാണെന്നും മാണി സി കാപ്പന്‍ വിമര്‍ശിച്ചു. മാണി സി കാപ്പന്‍ നാളെ മുംബൈയിലെത്തി കേന്ദ്രനേതൃത്വത്തെ കാണുമെന്നാണ് വിവരം. പാലാ സീറ്റ്, മുന്നണിമാറ്റം തുടങ്ങിയ വിഷയങ്ങളില്‍ ഉടന്‍ തീരുമാനമെടുക്കണമെന്ന് കൂടിക്കാഴ്ചയില്‍ ആവശ്യപ്പെടും.
പ്രതികരിക്കാൻ ഇവിടെ എഴുതുക: