കൊല്‍ക്കത്ത: ഹൃദയാഘാതത്തെ തുടര്‍ന്ന് ചികിത്സയിലായിരുന്ന സൗരവ് ഗാംഗുലി ആശുപത്രി വിട്ടു. കൊല്‍ക്കത്തയിലെ വുഡ്‌ലാന്‍റ്സ് ആശുപത്രിയില്‍ നിന്നാണ് വ്യാഴാഴ്ച ആരോഗ്യനില മെച്ചപ്പെട്ടതിനെ തുടര്‍ന്ന് ഗാംഗുലി വീട്ടിലേക്ക് മടങ്ങിയത്.
ശനിയാഴ്ചയാണ് നെഞ്ചു വേദനയെതുടര്‍ന്ന് ഗാംഗുലിയെ ആശുപത്രിയില്‍ പ്രവേശിപ്പിച്ചത്. പിന്നീട് നടത്തിയ പരിശോധനകളില്‍ നേരിയ ഹൃദയാഘാതമാണെന്ന് കണ്ടെത്തി.
ബുധനാഴ്ച ആശുപത്രിവിടുമെന്നാണ് കരുതിയിരുന്നതെങ്കിലും ഒരു ദിവസം കൂടി ആശുപത്രിയില്‍ കഴിയണമെന്ന് ഗാംഗുലി തന്നെ നിര്‍ബന്ധം പിടിച്ചതുകൊണ്ട് ഡിസ്ചാര്‍ജ് വ്യാഴാഴ്ചയിലേക്ക് നീണ്ടത്. പുറത്ത് താരത്തെ കാത്ത് നിന്ന ആരാധാകര്‍ക്ക് കൈവീശിക്കാണിച്ച ശേഷമാണ് ഗാംഗുലി ആശുപത്രി വിട്ടത്. ചികിത്സിച്ച ഡോക്ടര്‍മാര്‍ക്കെല്ലാം ഗാംഗുലി നന്ദി പറഞ്ഞു.
പ്രതികരിക്കാൻ ഇവിടെ എഴുതുക: