കൊച്ചി : കൊച്ചി കോര്‍പ്പറേഷനില്‍ നാല് സീറ്റുകള്‍ നേടി ബിജെപി. എറണാകുളം സൗത്ത്, എറണാകുളം സെന്‍ട്രല്‍, നോര്‍ത്ത് ഐലന്‍ഡ്, അമരാവതി എന്നീ സീറ്റുകളാണ് ഇത്തവണ ബിജെപി നേടിയിട്ടുള്ളത്. കഴിഞ്ഞ തവണത്തെ തദ്ദേശ തെരഞ്ഞെടുപ്പില്‍ കൊച്ചി കോര്‍പ്പറേഷനില്‍ രണ്ട് സീറ്റാണ് ബിജെപിക്ക് ലഭിച്ചത്.
ഈ തെരഞ്ഞെടുപ്പില്‍ അത് മെച്ചപ്പെടുത്തിയിട്ടുണ്ട്. ഐലന്‍ഡില്‍ നിന്നും മത്സരിച്ച യുഡിഎഫിന്റെ മേയര്‍ സ്ഥാനാര്‍ത്ഥി എന്‍. വേണുഗോപാലിനെ ബിജെപി പരാജയപ്പെടുത്തിയതാണ് ഇവിടെ ശ്രദ്ധേയമായത്. ഒരു വോട്ടിനാണ് വേണുഗോപാലിനെ ബിജെപി സ്ഥാനാര്‍ത്ഥി എം. പദ്മകുമാരിയാണ് പരാജയപ്പെടുത്തിയത്. കോര്‍പ്പറേഷന്‍ ഭരണ തുടര്‍ച്ചയ്‌ക്കായി എന്‍. വേണുഗോപാലിനെ മുന്‍ നിര്‍ത്തിയാണ് യുഡിഎഫ് ഇത്തവണ തെരഞ്ഞെടുപ്പ് പ്രചാരണം നടത്തിയത്.
പ്രതികരിക്കാൻ ഇവിടെ എഴുതുക: