കോഴിക്കോട്: വാളയാര്‍ കേസില്‍ പ്രതികളായ പ്രതികളായ നോതാക്കളെ സംരക്ഷിക്കാന്‍ സിപിഎം ശ്രമിക്കുന്നുവെന്ന് യുവമോര്‍ച്ച. മന്ത്രി എ.കെ ബാലന് കേസ് അട്ടിമറിക്കാന്‍ ഒത്താശ നടത്തുന്നുവെന്ന് അദേഹത്തിന്റെ പ്രസ്താവനയില്‍ നിന്നുതന്നെ വ്യക്തമാണ്. ഇത്തരത്തില്‍ കേസ് അട്ടിമറിക്കാനാണ് പുന്നല ശ്രീകുമാറിനെ സിപിഎം നേരിട്ട് രംഗത്തിറക്കിയിരിക്കുന്നതെന്നും യുവമോര്‍ച്ച സംസ്ഥാന അധ്യക്ഷന്‍ പ്രഫുല്‍കൃഷ്ണന്‍ പറഞ്ഞു.
നീതി നിഷേധത്തിനെതിരെയുള്ള പെറ്റമ്മയുടെ സമരത്തെപ്പോലും അധിക്ഷേപിച്ച മന്ത്രി ബാലന് ആ സ്ഥാനത്ത് തുടരാന്‍ ധാര്‍മ്മികമായി അവകാശമില്ല. കൊലചെയ്യപ്പെട്ട ദളിത് കുട്ടികളുടെ അച്ഛനോട് കുറ്റം ഏറ്റെടുക്കാന്‍ പറഞ്ഞ പോലീസും പുന്നല ശ്രീകുമാറും മന്ത്രി എകെ. ബാലന്റെ തിരക്കഥയ്‌ക്കനുസരിച്ചാണ് അഭിനയിച്ചത്. പുന്നല ശ്രീകുമാര്‍ രക്ഷകനായി നടിച്ച് രക്ഷിതാക്കള്‍ ബാലാവകാശ കമ്മീഷനെ കാണുന്നതില്‍ നിന്നുവരെ പിന്തിരിപ്പിച്ചെന്നും പ്രഫുല്‍ ആരോപിച്ചു.
കേസ് അട്ടിമറിക്കാന്‍ കൂട്ടുനിന്ന ഡിവൈഎസ്പി സോജനും എസ്‌ഐ ചാക്കോയ്‌ക്കും സ്ഥാനക്കയറ്റം നല്‍കിയത് സിപിഎമ്മിന്റെ ഉപകാരസ്മരണയുടെ ഭാഗമായാണെന്നും സി.ആര്‍. പ്രഫുല്‍ കൃഷ്ണന്‍ പ്രസ്താവനയില്‍ ആരോപിച്ചു.
പ്രതികരിക്കാൻ ഇവിടെ എഴുതുക: