തൃശൂര്‍: ദേശീയപാതയില്‍ പുതുക്കാട് പോലീസ് സ്റ്റേഷന് സമീപം പന്നികളെ കൊണ്ടുപോകുകയായിരുന്ന മിനിലോറി മറിഞ്ഞ് 30 പന്നികള്‍ ചാടിപ്പോയി. ശനിയാഴ്ച രാത്രി പതിനൊന്നുമണിയോടെയായിരുന്നു സംഭവം. സേലത്തു നിന്ന് കോട്ടയം ഭാഗത്തേക്ക് പന്നികളെ കൊണ്ടുപോവുകയായിരുന്ന ലോറിയുടെ ടയര്‍ പൊട്ടിയാണ് അപകടം. റോഡിലേക്ക് തെറിച്ചുവീണ പന്നികള്‍ ദേശീയപാതയിലൂടെ ഓടുകയായിരുന്നു.
36 പന്നികളാണ് ലോറിയില്‍ ഉണ്ടായിരുന്നത്. ലോറി ജീവനക്കാര്‍ 6 പന്നികളെ പിടികൂടി. ബാക്കിയുള്ളവ ദേശീയപാതയോരത്തുള്ള പുരയിടങ്ങളിലേക്കും പാടത്തേക്കും ഓടിപോയി. ഇന്നലെയും ഇവക്കായുള്ള തിരച്ചില്‍ നടക്കുകയാണ്. പന്നികള്‍ കൂട്ടമായി ഓടുന്നതിനിടെ ബൈക്കില്‍ ഇടിച്ച് യാത്രക്കാരന് പരിക്കേറ്റു.
പ്രതികരിക്കാൻ ഇവിടെ എഴുതുക: