കറാച്ചി: പാക്കിസ്ഥാന്റെ ഇടക്കാല ബാറ്റിങ് പരിശീലകനായ യൂനിസ് ഖാനെ സ്ഥിരമായി നിലനിര്‍ത്തണമെന്ന് പ്രധാന പരിശീലകന്‍ മിസ്ബ ഉള്‍ ഹഖ്. ഇക്കാര്യം ആവശ്യപ്പെട്ട് പാക് ക്രിക്കറ്റ് ബോര്‍ഡിന് മിസ്ബ കത്തയച്ചു. നിലവില്‍ ഇംഗ്ലണ്ട് പരമ്പരയിലേക്ക് മാത്രമാണ് യൂനിസ് ഖാനെ ബാറ്റിങ് പരിശീലകനായി നിയമിച്ചിരുന്നത്. യുനസിന്റെ പ്രയത്‌നം മികച്ചതാണെന്നും സ്ഥിരമായി നിലനിര്‍ത്തണമെന്ന് മിസ്ബ ആവശ്യപ്പെട്ടെന്നും അധികൃതര്‍ വ്യക്തമാക്കി.
പാക്കിസ്ഥാനായി ടെസ്റ്റില്‍ ഏറ്റവും അധികം റണ്‍സ് നേടിയ താരമാണ് യൂനിസ് ഖാന്‍. ബാറ്റിങ് പരിശീലകനായുള്ള ചുമതല ആസ്വദിക്കുന്നുണ്ടെന്ന് കഴിഞ്ഞ ദിവസം യൂനിസ് ഖാന്‍ പറഞ്ഞിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: