ആലപ്പുഴ: തൂക്കുകുളത്തെ ബ്രൈറ്റ്‌ലാന്റ് സിസ്‌ക്കവറി സ്‌ക്കൂളിലെ നാലാം ക്‌ളാസ് വിദ്യാത്ഥികളാണ് കൈനകരി പള്ളിച്ചിറ വീട്ടില്‍ ബിനോ ജോസഫിന്റെയും അദ്ധ്യാപിക സി.സി. സോണിയായുടെ മകള്‍ എമില്‍ തേരേസ ജോസഫും ആലപ്പുഴ വട്ടയാല്‍ വാര്‍ഡില്‍ അലിഫ് മെന്‍സിലില്‍ ബി.മുഹമ്മദ് നജീബിന്റെയും ജില്ലാ കോടതി ജീവനക്കാരി ജാസ്മിന്റെ മകള്‍ അഫിയായും. ഇരുവരും കട്ട ചങ്കുകളാണ്. കോവിഡിന്റെ പശ്ചാത്തലത്തില്‍ സ്‌കൂളുകള്‍ അടച്ചിരിക്കുന്നതിനാല്‍ ഇവര്‍ എന്നും വാട്‌സാപ്പ്കളില്‍ എന്നുവിളിക്കും. കഴിഞ്ഞ ഞായറാഴ്ച അഫിയ എമിലിനെ വിളിച്ചപ്പോള്‍ എമില്‍ വീട്ടില്‍ വെള്ളം കയറിയതിനെ തുടര്‍ന്ന് ദുരിതമനുഭവിക്കുന്ന കാഴ്ച അഫിയായെ നൊമ്പരപ്പെടുത്തി.
എമിലിന്റെ ദുരാവസ്ഥ അഫിയ മാതാപിതാക്കളുമായി പങ്ക് വെച്ചപ്പോള്‍ തങ്ങളുടെ വീട്ടിലേക്ക് ക്ഷണിക്കാന്‍ പറഞ്ഞു. അഫിയ മാതാപിതാക്കളുടെ അനുമതി ലഭിച്ചതോടെ തന്റെ കൂട്ടുകാരിയേയും, അനുജനെയും, മാതാപിതാക്കളെയും വീട്ടിലേക്ക് ക്ഷണിച്ചു. ക്ഷണം സ്വീകരിച്ച് ഇവര്‍ അലിയായുടെ വീട്ടിലെത്തി. ഇതിന് മുമ്പ് വെള്ളപൊക്കമുണ്ടായപ്പോള്‍ അമ്മയുടെ തുമ്പോളിയിലെ വീട്ടിലായിരുന്നു. ഇപ്പോള്‍ കോവിഡ് പശ്ചാത്തലത്തില്‍ കണ്ടൈയ്‌മെന്റ് സോണായിതിനാല്‍ പോകാന്‍ ഒരിടവും ഇല്ലാതെ ഇരിക്കുമ്പോഴാണ് മകളുടെ കൂട്ടുകാരിയുടെ ക്ഷണം ഉണ്ടായതന്ന് ബിനോ ജോസഫും, സോണിയായും പറഞ്ഞു. എമിലും കുടുബവും വീട്ടില്‍ എത്തിയതിനെ തുടര്‍ന്ന് സന്തോഷത്തിലായ അഫിയ ഓണ്‍ലൈന്‍ ക്‌ളാസില്‍ പങ്കെടുക്കുന്നതും, ഭക്ഷണം കഴിക്കുന്നതും എമിലിനൊപ്പമാണ്.
പ്രതികരിക്കാൻ ഇവിടെ എഴുതുക: