അടിമാലി: അതിശക്തമായ കാറ്റില്‍ ബൈസണ്‍ വാലി ചൊക്രമുടി വനവാസി കുടിയില്‍ 5 വീടുകള്‍ തകര്‍ന്നു. സുബ്ബരാജ്, വേലുസ്വാമി, കൃഷ്ണകുമാര്‍, കുമരപ്പന്‍, കൃഷ്ണന്‍ എന്നിവരുടെ വീടുകളാണ് കാറ്റെടുത്തത്. കുടിയിലേക്കുള്ള റോഡില്‍ പലയിടത്തും മരങ്ങള്‍ വീണ് ഗതാഗതം തടസ്സപ്പെട്ടിട്ടുമുണ്ട്.
സുബ്ബരാജിന്റെ വീടിന്റെ മുന്‍ഭാഗത്തെ മേച്ചില്‍ ഷീറ്റുകള്‍ കാറ്റില്‍പ്പറന്നു. വേലുസ്വാമിയുടെ വീടിന്റെ മേല്‍ക്കുരയിലെ ഓടുകല്‍ ഇളകി മാറി. കുറെയെണ്ണം തകര്‍ന്നു. കൃഷ്ണകുമാറിന്റെ വീടിന്റെ മേല്‍ക്കുരയിലെ മുഴുവന്‍ ഷീറ്റുകളും കാറ്റില്‍പ്പറന്നു. പ്രദേശത്ത് കനത്ത കാറ്റും മഴയും തുടരുകയാണ്.
പ്രതികരിക്കാൻ ഇവിടെ എഴുതുക: