ഹരിപ്പാട്: സിഗരറ്റിനെച്ചൊല്ലിയു‌ളള തര്‍ക്കത്തിനിടെ അടിയേറ്റയാള്‍ കുഴഞ്ഞുവീണ് മരിച്ചു. ഏറെക്കാലമായി ഹരിപ്പാട്ടും പരിസരത്തും കൂലിപ്പണിയെടുത്ത് ജീവിക്കുന്ന മുരുകന് എന്നയാളാണ് മരിച്ചത്. സംഭവവുമായി ബന്ധപ്പെട്ട് കരുവാറ്റ സ്വദേശിയായ വിനോദ് എന്നയാളെ പൊലീസ് കസ്റ്റഡിയിലെടുത്തിട്ടുണ്ട്.
ഹരിപ്പാട് ഗവ. ആശുപത്രിക്ക് മുന്നില്‍ ഇന്നു രാവിലെയായിരുന്നു സംഭവം. മര്‍ദ്ദനമാണോ മരണകാരണമെന്ന് ഇപ്പോള്‍ പറയാനാവില്ലെന്നും പോസ്റ്റുമോര്‍ട്ടം റിപ്പോര്‍ട്ടുവന്നശേഷമേ ഇക്കാര്യത്തില്‍ വ്യക്തത വരൂ എന്നുമാണ് പോലീസ് പറയുന്നത്. നടപടികള്‍ പൂര്‍ത്തിയാക്കി മൃതദേഹം പോസ്റ്റുമോര്‍ട്ടത്തിനയച്ചു.
വിനോദിനെ ചോദ്യം ചെയ്യുകയാണ്. മുരുകന് ബന്ധുക്കളാരെങ്കിലും ഉണ്ടോ എന്ന് വ്യക്തമല്ല.
പ്രതികരിക്കാൻ ഇവിടെ എഴുതുക: