ന്യൂദല്‍ഹി: ക്യാപ്റ്റന്‍ കൂള്‍ എം.എസ്. ധോണിക്ക് പിറന്നാള്‍ ആശംസകള്‍ നേര്‍ന്ന് ക്രിക്കറ്റ് ലോകം. ഇന്നലെ 39ന്റെ നിറവിലെത്തിയ ധോണിക്ക് ആശംസകളുടെ പ്രവാഹമാണ്. ഇന്ത്യന്‍ നായകന്‍ വിരാട് കോഹ്‌ലി ഇന്ത്യന്‍ ജേഴ്‌സിയില്‍ ധോണിക്കൊപ്പമുള്ള ചിത്രങ്ങള്‍ പങ്കുവച്ചായിരുന്നു ആശംസ നേര്‍ന്നത്. എം.എസ്. ധോണിക്ക് പിറന്നാള്‍ ആശംസയെന്നും ആരോഗ്യത്തോടെ സന്തോഷമായി ഇരിക്കട്ടെയെന്നും കോഹ്‌ലി കുറിച്ചു. പരിശീലകന്‍ രവി ശാസ്ത്രി, രോഹിത് ശര്‍മ, സുരേഷ് റെയ്‌ന, രവിചന്ദ്ര അശ്വിന്‍ തുടങ്ങി ഇന്ത്യന്‍ ടീമിലെ മിക്ക താരങ്ങളും ധോണിക്ക് ആശംസകളുമായി ട്വിറ്ററിലെത്തി. ഇന്ത്യക്കായി 350 ഏകദിനങ്ങളും 90 ടെസ്റ്റും കളിച്ച ധോണി രണ്ട് ലോകകപ്പുകളും സമ്മാനിച്ചു.
Sunday, November 24, 2024
ധോണിക്ക് പിറന്നാള്‍ ആശംസകളുമായി കായിക ലോകം
ഇന്ത്യക്കായി 350 ഏകദിനങ്ങളും 90 ടെസ്റ്റും കളിച്ച ധോണി രണ്ട് ലോകകപ്പുകളും സമ്മാനിച്ചു.
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: