തപസ്യ വനപർവം പരിപാടിക്ക് തുടക്കമായി

ഇരിട്ടി : തപസ്യ കലാസാഹിത്യവേദി ഇരിട്ടി യൂണിറ്റിന്റെ നേതൃത്വത്തിൽ വനപർവം പരിപാടിക്ക് തുടക്കമായി. തിരുവാതിര ഞാറ്റുവേലയോടനുബന്ധിച്ച് സംസ്ഥാന തലത്തിൽ നടക്കുന്ന പരിപാടിയുടെ ഇരിട്ടിയൂണിറ്റ് തല ഉദ്‌ഘാടനം  ഇരിട്ടി ഹൈസ്‌കൂൾ പരിസരത്ത് മാവിൻ തൈകൾ നട്ടുകൊണ്ട് മുൻസിപ്പൽ കൗൺസിലർ പി. രഘു ഉദ്ഘാടനം ചെയ്തു. 

മേഖലാ സംഘടനാ സിക്രട്ടറി ഉണ്ണികൃഷ്ണൻ കീച്ചേരി, ഇരിട്ടി യൂണിറ്റ്‌ പ്രസിഡന്റ് എം. ബാബു , ബാബു പുന്നാട്, രാഗരീഷ്,  ഹരി കാക്കയങ്ങാട് തുടങ്ങിയവർ പങ്കെടുത്തു.