കണ്ണൂര്‍: പയ്യാവൂര്‍ പാറക്കടവ് കൂട്ടുപുഴയില്‍ കുളിക്കാനിറങ്ങിയ മൂന്ന് യുവാക്കളെ കാണാതായി. കെട്ടിട നിര്‍മ്മാണ തൊഴിലാളികളായ ബ്ലാത്തൂരിലെ മനീഷ് (21), വഞ്ചിയത്തെ സനൂപ് (20), പൈസക്കരിയിലെ അരുണ്‍ (19) എന്നിവരേയാണ് ഇന്നലെ നാല് മണിയോടെ ഒഴുക്കില്‍പ്പെട്ട് കാണാതായത്.
ഇവരുടെ കൂടെ ഉണ്ടായിരുന്ന അജിത്ത് (18) രക്ഷപെട്ടു. ഇരിട്ടിയില്‍ നിന്നും തളിപ്പറമ്പില്‍ നിന്നുമെത്തിയ ഫയര്‍ഫോഴ്‌സും ശ്രീകണ്ഠപുരം പയ്യാവൂര്‍ പോലീസും ചേര്‍ന്ന് ഇന്നലെ സന്ധ്യവരെ തിരച്ചില്‍ നടത്തിയെങ്കിലും മൂവരേയും കണ്ടെത്താനായില്ല. കാണാതായവര്‍ക്കു വേണ്ടി ഇന്ന് രാവിലെ തിരച്ചില്‍ തുടരുമെന്ന് ശ്രീകണ്ഠപുരം പോലീസ് അറിയിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: