മയ്യഴി: ന്യൂമാഹി െ്രെപമറി ഹെല്‍ത്ത് സെന്ററിലെ ആരോഗ്യ പ്രവര്‍ത്തക ആത്മഹത്യാശ്രമം നടത്തിയ സംഭവത്തില്‍ സിപിഎം നടത്തികൊണ്ടിരിക്കുന്ന നുണപ്രചരണങ്ങള്‍ വിശദീകരിക്കുവാനും ന്യൂ മാഹി പഞ്ചായത്ത് ഭരണസമിതിയുടെ അഴിമതിയും കെടുകാര്യസ്ഥതയും ജനവഞ്ചനയും തിരിച്ചറിയുക എന്ന ആവശ്യമുന്നയിച്ചും കൊണ്ട് ബിജെപി ന്യൂ മാഹി പഞ്ചായത്ത് കമ്മറ്റിയുടെ ആഭിമുഖ്യത്തില്‍ പഞ്ചായത്തിലെ മുഴുവന്‍ ബൂത്തുകളിലും ധര്‍ണ നടത്തി.
ന്യൂ മാഹി പിഎച്ച്‌സിയിലെ ആരോഗ്യ പ്രവര്‍ത്തക ആത്മഹത്യാ ശ്രമത്തിനമുമ്പ് എഴുതിയ കുറിപ്പില്‍ പരാമര്‍ശിച്ച ആളുകളില്‍ സിപിഎം മുന്‍ ന്യൂമാഹി ബ്രാഞ്ച് സിക്രട്ടറിയുടെ പേരും ഉണ്ട്. ആരോഗ്യ പ്രവര്‍ത്തകയെ ആത്മഹത്യയ്‌ക്ക് ശ്രമിക്കാന്‍ കാരണക്കാരായ നാല് ആളുകളെക്കുറിച്ച് പരാമര്‍ശിച്ചിരുന്നു. ഇവരുടെ പേരില്‍ ശക്തമായ നിയമനടപടികള്‍ സ്വീകരിക്കാതെ ന്യൂമാഹി പോലീസ് സ്റ്റേഷനില്‍ വിളിച്ചു വരുത്തി സ്റ്റേഷന്‍ ജാമ്യം നല്‍കി വിട്ടയക്കുകയാണ് ചെയ്തത്.
ന്യൂമാഹി പഞ്ചായത്ത് ഓഫീസിനു മുന്നില്‍ നടന്ന ധര്‍ണ്ണ ബിജെപി തലശ്ശേരി മണ്ഡലം പ്രസിഡണ്ട് കെ. ലിജേഷ് ഉദ്ഘാടനം ചെയ്തു.പഞ്ചായത്തിന്റെ വിവിധ കേന്ദ്രങ്ങളില്‍ നടന്ന സമരത്തില്‍ ബിജെപി ജില്ലാ സെല്‍ കോഡിനേറ്റര്‍ എം. പി. സുമേഷ്, മഹിളാ മോര്‍ച്ച ജില്ലാ പ്രസിഡണ്ട് സ്മിത ജയമോഹന്‍, അനീഷ് കൊളവട്ടത്ത്, കെ. എസ്. ജിഷ്ണു, ലീന പ്രദീപ്, ന്യൂ മാഹി പഞ്ചായത്ത് പ്രസിഡണ്ട് പ്രേംനാഥ് ചേലോട്ട് എന്നിവര്‍ സംസാരിച്ചു. കുളപ്രത്ത് കെ. ശശിധരന്‍, രാജേഷ്, കെ.കെ. ആനന്ദ്, കെ.കെ. സജീവന്‍, പ്രവീണ്‍ കണ്ടൊത്ത്, സബീഷ് പുന്നോല്‍, സബീഷ് സി ലാക്കോ, രഘുനാഥ് സി ലാക്കോ, രഞ്ചന്‍ പക്രന്റെവിട, പ്രതീഷ് പരിമഠം, പ്രജീഷ് മഠത്തില്‍, സുചില്‍ ചേലോട്ട്, പ്രതീഷ് ചേലോട്ട്, രമേഷ് തൊണ്ടന്റവിട, അനീഷ് കൊള്ളുമ്മല്‍, സുനില്‍ കവിയൂര്‍, പ്രവീണ്‍ മഠത്തില്‍ എന്നിവര്‍ വിവിധ കേന്ദ്രങ്ങളില്‍ നടന്ന സമരത്തിന് നേതൃത്വം നല്‍കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: