പറവൂര്‍: ചേന്ദമംഗലം കോട്ടയില്‍ കോവിലകം പാലാതുരുത്ത് കൊടിയന്‍ ബിജുവി (50) ന്റെ വീടിനോടു ചേര്‍ന്നുള്ള ഷെഡില്‍ നിന്ന് എക്‌സൈസ് സംഘം 1700 ലിറ്റര്‍ കോട, 10 ലിറ്റര്‍ ചാരായം, വാറ്റ് ഉപകരണങ്ങള്‍ എന്നിവ പിടിച്ചെടുത്തു. 300 ലിറ്ററിന്റെ നാല് കന്നാസിലും 500 ലിറ്ററിന്റെ ഒരു കന്നാസിലുമായാണു കോട സൂക്ഷിച്ചിരുന്നത്. രഹസ്യവിവരത്തിന്റെ അടിസ്ഥാനത്തില്‍ രണ്ട് ആഴ്ചയായി ഇയാളെ എക്‌സൈസ് നിരീക്ഷിച്ചു വരികയായിരുന്നു.
ചാരായം വാറ്റുന്നതിനിടെയാണുപിടിക്കപ്പെട്ടത്. താലൂക്കിന്റെ വിവിധ ഭാഗങ്ങളില്‍ ഇയാള്‍ ചാരായം മൊത്തവില്‍പന നടത്തിയിരുന്നതായി എക്‌സൈസ് അധികൃതര്‍ പറഞ്ഞു. കോടതിയില്‍ ഹാജരാക്കിയ ബിജുവിനെ റിമാന്‍ഡ് ചെയ്തു. ഇന്‍സ്‌പെക്ടര്‍ കെ.പി. സുജിത്തിന്റെ നേതൃത്വത്തില്‍ ഉദ്യോഗസ്ഥരായ എസ്.എ. സനല്‍കുമാര്‍, കെ. രാജ്കുമാര്‍, ഒ.എ. ജഗദീഷ്, പി.ബി. ഷിബു, കെ. എ. ശിവകുമാര്‍, കെ.ആര്‍. രതീഷ് എന്നിവരുടെ നേതൃത്വത്തിലുള്ള സംഘമാണു പിടികൂടിയത്.
പ്രതികരിക്കാൻ ഇവിടെ എഴുതുക: